Shet memleketterde taǵy birneshe saılaý ýchaskesi jumysyn bastady
11:34, 20 Qarasha 2022
ASTANA. QazAqparat – Qazaqstannyń shet memleketterdegi ókildikteri janynan ashylǵan daýys berý ýchaskeleri birinen soń biri jumystaryn bastap jatyr. QR Syrtqy ister mınıstrligi ýaqyt aıyrmashylyǵyna baılanysty saılaýshylardy qabyldaı bastaǵan ýchaskeler týraly málimet usyndy, dep habarlaıdy QazAqparat.
Máselen, astana ýaqytymen 9-dan asa Erevan, Baký, Astrahan, Tbılısıdegi; saǵat 10.00-den keıin Reseıdiń Máskeý, Sankt-Peterbýrg jáne Qazan qalalaryndaǵy ýchaskeler; 11.00-ge qaraı Tegeran, Er-Rııad, Djıdda, Amman jáne Dohadaǵy saılaý ýchaskeleri ashyldy. Al 11.00-den asa Túrkııanyń Ankara, Ystanbul jáne Antalııa qalalarynda Qazaqstan azamattary daýys bere bastady.
Budan bólek, Vılnıýs, Tel-Avıv, Afıny, Sofııa, Býharest, Tallın, Helsınkı, Rıga qalalarynda da saılaýshylar daýys berý ýchaskelerine kele bastady.
Tańǵy saǵat 04.00-de Tokıo men Seýlde daýys berý bastaldy. Keıin Beıjiń, Shanhaı, Gonkong, Sıngapýr, Kýala-Lýmpýr, Ulan-Batyrda, sondaı-aq Taıaý Shyǵysta Abý-Dabı, Dýbaı, Maskatta saılaý pýnkteri jumys isteı bastady.