Shet memleketterde daýys berý qalaı ótip jatyr

NUR-SULTAN. QazAqparat - QR Syrtqy ister mınıstrligi birqatar shet memlekette prezıdenttik saılaý naýqanynyń ótýi barysy jóninde málimet berdi, dep habarlaıdy QazAqparat.

Málim bolǵandaı, Germanııa men Nıderlandtaǵy jarystarǵa qatysyp jatqan qazaqstandyq paralımpıadashylar úshin kóshpeli daýys berý uıymdastyryldy.

«Búgin Qazaqstannyń Germanııadaǵy elshiligi janyndaǵy №247 saılaý ýchaskesiniń komıssııa músheleri júzýden múmkindigi shekteýli jandarǵa arnalǵan «IDM Berlin 2019» jarysyna qatysqan elimizdiń qurama komandasy úshin kóshpeli daýys berýdi uıymdastyrdy», - delingen QR Syrtqy ister mınıstrliginiń aqparatynda.

Sondaı-aq Nıderlandtaǵy №282 saılaý ýchaskesi óz jumysyn jalǵastyrýda. Atalmysh saılaý ýchaskesiniń bıýlletender jáshigi Hertogenbos qalasynda sadaq atýdan óner kórsetip jatqan qazaqstandyq paralımpıadashylarǵa jetkizildi.

QR SІM-niń deregine súıensek, saǵat 12:25-tegi jaǵdaı boıynsha, Vashıngtondaǵy №249 saılaý ýchaskesinde 57 adam daýys berdi. Jergilikti ýaqyt boıynsha saǵat 15.30-ǵa deıin Qazaqstannyń Aýstrııadaǵy elshiliginde ashylǵan №240 saılaý ýchaskesinde 228 adam óz tańdaýyn jasady.

«Izraıldegi №253 saılaý ýchaskesi óz jumysyn aıaqtasa, Kanadanyń Ottava, Toronto jáne Monreal qalalarynda QR azamattary daýys berýdi jalǵastyrýda», - dedi mınıstrlikten.

Buǵan deıin habarlaǵanymyzdaı, 2019 jyldyń 9 maýsymynda ótetin QR Prezıdentiniń kezekten tys saılaýyna oraı álemniń 51 elinde 65 saılaý ýchaskesi ashyldy.

Eń iri saılaý ýchaskesi Qazaqstannyń Beıjińdegi elshiligi janynan ashylyp otyr. Atalmysh saılaý ýchaskesi 1 600-den astam saılaýshyny qabyldaıdy. Qytaıda Beıjiń qalasynan bólek Shanhaı, Gonkong jáne Úrimshi qalalarynda saılaý ýchaskeleri jumys isteıdi.

Reseıde de 1 600-den astam saılaýshy Máskeý, Sankt-Peterbýrg, Qazan, Omby, Astrahan qalalaryndaǵy saılaý ýchaskelerinde daýys bere alady.

Túrkııanyń Ankara, Ystanbul jáne Antalııa qalalarynda shamamen 1300 adamǵa arnalǵan saılaý ýchaskeleri jumys isteıdi.

QR SІM-niń baspasóz qyzmetinen habarlaǵandaı, prezıdenttik saılaýda shetelde júrgen 13 myńnan astam qazaqstandyq daýys beredi. Olardyń arasynda alǵashqy bolyp Japonııa men Koreıadaǵy otandastarymyz Nur-Sultan qalasynyń ýaqytymen tańǵy saǵat 4-ten bastap óz tańdaýlaryn jasady.