Shet memleketter basshylary Toqaevty týǵan kúnimen quttyqtap, hat joldaýda

ASTANA. QazAqparat – Prezıdent Qasym-Jomart Toqaevtyń 70 jyldyq mereıtoıyna oraı shet memleketter men úkimetterdiń basshylarynan, parlamentterdiń spıkerlerinen, halyqaralyq uıymdar men dıplomatııalyq mıssııalardyń, kommertsııalyq qurylymdardyń jetekshilerinen, shyǵarmashylyq jáne ǵylymı orta ókilderinen quttyqtaýlar men jedelhattar kelip túsip jatyr. QazAqparat bul týraly Aqordaǵa silteme jasap habarlaıdy.

Memleket basshysynyń atyna Reseı Prezıdenti Vladımır Pýtın, QHR Tóraǵasy Sı Tszınpın, Túrkııa Prezıdenti Rejep Taııp Erdoǵan, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ázerbaıjan Prezıdenti Ilham Álıev, Belarýs Prezıdenti Aleksandr Lýkashenko, Armenııa Premer-mınıstri Nıkol Pashınıan, Italııa Prezıdenti Serdjo Mattarella, Serbııa Prezıdenti Aleksandr Výchıch, Majarstan Prezıdenti Katalın Novak, Majarstan Premer-mınıstri Vıktor Orban, Bolgarııa Prezıdenti Rýmen Radev, Albanııa Prezıdenti Baıram Begaı, Sıngapýr Prezıdenti Halıma ıAkob, ShYU Bas hatshysy Chjan Mın, TMB Bas hatshysy Sergeı Lebedev jáne basqalar quttyqtaý jedelhattaryn joldady.

Sonymen qatar elimizdiń azamattary, Qazaqstannyń kórnekti saıası jáne qoǵam qaıratkerleri, zııaly qaýym ókilderi jáne basqa da tulǵalar ózderiniń jedelhattarynda Prezıdent Qasym-Jomart Toqaevty mereıtoıymen quttyqtap, izgi tilekterin bildirgen.

Quttyqtaý hattar men jedelhattar áli de kelip túsip jatyr.

Eske salaıyq, búgin Qasym-Jomart Toqaev 70 jasqa toldy.