Shet elderden paratsetamoldyń qosymsha qory ákelinedi - DSM

ASTANA. QazAqparat – Medıtsınalyq jáne farmatsevtıkalyq baqylaý komıteti eldegi paratsetamol preparatynyń qory týraly málimet jarııalady, dep habarlaıdy QazAqparat tilshisi.

«Keıingi kúnderi azamattar bizge bólshek saýda segmentinde paratsetamoldyń joq ekenin jáne azaıyp ketkenin aıtyp, jıi shaǵymdanyp júr. Komıtet apta saıyn kóterme jáne bólshek saýda jelisinde antıbıotıkterdiń, antıkoagýlıanttardyń, antıpıretıkterdiń, vırýsqa qarsy, qabynýǵa qarsy jáne gormonaldy preparattardyń mólsherine monıtorıng júrgizedi. Farmatsevtıkalyq qyzmet sýbektileriniń aqparaty boıynsha, bólshek jáne kóterme jelide paratsetamoldyń ár túrli dozadaǵy 710 652 qaptamasy bar», - dep jazylǵan komıtet málimetinde.

Al paratsetamolmen biriktirilgen dárilik formalardyń sany 573 409 qaptama.

«Qazaqstanda tirkelgen paratsetamoldy shet elderden qosymsha jetkizilmek. Paratsetamolmen emdeý uzaqtyǵy 3 kúnnen aspaıtynyn jáne aýyrsynýdy basatyn dári retinde 5 kúnnen aspaıtynyn bilý mańyzdy. Preparatpen emdeýdi jalǵastyrý dárigermen keńeskennen keıin ǵana múmkin bolady», - dep tolyqtyrdy vedomstvo.

Eske salsaq, buǵan deıin Densaýlyq saqtaý mınıstri Ajar Ǵınııat elimizde paratsetamoldyń qory jetkilikti ekenin aıtqan edi.