Shet elderden kelgen gýmanıtarlyq kómek qaıda taratylady

NUR-SULTAN. QazAqparat - Qazaqstanda dári-dármek satyp alýda biryńǵaı dıstrıbıýtor bolyp sanalatyn «SQ-Farmatsııa» JShS shet elderden keletin gýmanıtarlyq kómekti qabyldap jatyr. Bul týraly «SQ-Farmatsııa» JShS basqarma tóraǵasy Berik Shárip aıtyp berdi, dep habarlaıdy QazAqparat.

«Elimizdegi tótenshe jaǵdaı jónindegi memlekettik komıssııa sheshimimen biryńǵaı dıstrıbıýtor shet elden keletin gýmanıtarlyq kómekti qabyldaýshy bolyp sanalady. Biz AQSh, Qytaı, Ońtústik Koreıa, Japonııa, Túrkııa Birikken Arab ámirlikteri elderinen gýmanıtarlyq kómekti qabyldadyq», - dedi B. Shárip Ortalyq kommýnıkatsııalar qyzmetinde ótken brıfıng barysynda.

Onyń aıtýynsha, gýmanıtarlyq kómek arqyly dárilik zattar men sensorly termometr, pırometr, medıtsınalyq maskalar, bir rettik qorǵanys kıimderi jetkizilgen.

«Atap aıtqanda 42 450 dana bir rettik qorǵanys kıimin qabyldap, elimizdiń medıtsınalyq mekemelerine jetkizdik. 320 myń medıtsınalyq maska, ókpeni jasandy jeldetý apparattary memlekettik mekemelerge taratyldy. Sonymen birge, 13 sáýirde halyqtyń az qamtylǵan bóligi úshin 5 mln dana maska satyp alyndy. Qazirgi ýaqytta Nur Otan partııasy, «Birgemiz» qory volonterlik uıymdar arqyly bul maskalardy turmysy nashar jandarǵa taratyp jatyr», - dedi spıker.