Sheshenstannan 31 jyl buryn kóship kelgen áıel endi ǵana Qazaqstan azamattyǵyn aldy

<p>ORAL. KAZINFORM - BQO PD Tasqala aýdandyq polıtsııa bólimi kóshi-qon qyzmetiniń ınspektorlary aýdan turǵyny Lıýdmıla Sadyqovaǵa azamattyq alýǵa kómektesti.</p>

BQO polıtsııa departamentiniń baspasóz qyzmetinen málim etkenindeı, Lıýdmıla Ǵabıbqyzy 1993 jylǵy aqpanda Sheshenstandaǵy soǵysta jaraqat alyp, Qazaqstanǵa kóship kelgen.

Sheshenstannan rastaıtyn qujattar qajet bolǵandyqtan, L.Sadyqova uzaq ýaqyt boıy Qazaqstan azamattyǵyn ala almaǵan. 

«Polıtsııa qyzmetkerleri L.Sadyqovanyń azamattyǵy joq adam retinde tanylýy úshin qujattar jınaýǵa qolushyn berdi. Kóp jyldar boıy ol azamattyǵy joq adamnyń tólqujaty boıynsha ómir súrdi. Polıtsııa jaǵdaıǵa túsinistikpen qarady. Tasqala aýdany polıtsııa bólimi kóshi-qon qyzmetiniń qyzmetkeri, polıtsııa maıory Ǵalym Ábilqaıyrov qujattardy alýǵa kómektesti. Jeke basyn rastaý úshin qajetti ótinishter jiberildi. Nátıjesinde Lıýdmıla Sadyqova arada 31 jyl ótken soń Qazaqstan azamattyǵyn jáne kópten kútken qujattaryn aldy» dep habarlady vedomstvodan.