Sherzat Bolattyń ólimi: Almaty oblysynda birneshe polıtsııa qyzmetkeri laýazymynan bosatyldy
Іshki ister mınıstri Erjan Sádenov Almaty oblysy polıtsııa departamentiniń basshy quramymen osy jyldyń toǵyz aıyndaǵy jedel qyzmettiń qorytyndysy boıynsha jıyn ótkizdi.
Sonymen qatar, QR Іshki ister mınıstrligi basshysynyń buıryǵymen birqatar joǵary laýazymdy polıtseı qyzmetinen bosatyldy:
Almaty oblysy polıtsııa departamenti bastyǵynyń birinshi orynbasary Serik Shalqarov;
Talǵar aýdandyq polıtsııa bóliminiń bastyǵy Nurjan Kúntúnov;
Polıtsııa departamentiniń Almaty oblysy boıynsha ekstremızmge qarsy kúres basqarmasynyń basshysy Ulan Baıtaqov;
Almaty oblystyq polıtsııa departamenti krımınaldyq polıtsııa basqarmasynyń bastyǵy Rýslan Smaǵulov;
Almaty oblystyq polıtsııa departamentiniń uıymdasqan qylmysqa qarsy kúres basqarmasynyń bastyǵy Dýlat Qaıyr;
Almaty oblystyq polıtsııa departamentiniń uıymdasqan qylmysqa qarsy kúres basqarmasy bastyǵynyń orynbasary Janat Omarov.
Jedel keńestiń qorytyndysy boıynsha mınıstr óńirdegi quqyqtyq tártipti jáne qoǵamdyq qaýipsizdikti qamtamasyz etý jóninde naqty tapsyrmalar berdi.
ІІM basshysy Talǵar aýdanynda kámeletke tolmaǵan balany óltirý faktisi boıynsha tergeý júrgizip jatqan jedel-tergeý tobyn jeke tyńdady. Bul boıynsha naqty tapsyrmalar berildi.
Eske salaıyq, 4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz.
Ashýly talǵarlyqtar jasóspirim ólimine baılanysty narazylyqqa shyqty.
Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.
Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.
Sondaı-aq, quqyq qorǵaýshy Aıtbek Amangeldi qaza tapqan jasóspirimniń otbasyna advokattar taýyp berdi.
Almaty oblystyq polıtsııa departamenti bastyǵynyń mindetin atqarýshy Serik Shalqarov beınebaqylaý kameralarynan alynǵan jazbalar zerttelip jatqanyn jetkizdi.
12 qazan túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
Sondaı-aq Bas prokýratýra qylmysty ashý úshin vedomstvoaralyq jedel-tergeý toby qurylǵanyn málimdedi.
Keıin Іshki ister mınıstriniń birinshi orynbasary Baýyrjan Alenov órt qylmysy boıynsha aıǵaqtar alynyp, tıisti saraptamalar júrgizilip jatqanyn habarlady.
Qoǵamdyq tártipti qadaǵalaý úshin Ulttyq ulan áskeri jumyldyryldy.
15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy.
Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy. Al,Talǵar aýdanynyń ákimi Tanat Esenkeldiuly Aıdarbekov jáne onyń orynbasary Aıbek Dúısembekuly Bıdaev sógis aldy.
Іshki ister mınıstrliginiń ókilderi BAQ qyzmetkerlerine Sherzat Bolat qaza tapqan jerde kameraǵa túsip qalǵan vıdeony kórsetti.
Prokýratýra sottyń ashyq ótýin suraıtyndaryn jetkizdi.