Sherýge resmı ruqsat berilýi mańyzdy másele – Murat Ábenov
«Qazirgi ýaqytta azamattardyń arasynda saıası belsendilik óte joǵary. Muny ótken saılaýmen de baılanystyramyz. Degenmen, sońǵy 3-4 jylda qoǵam qatty ózgerdi, quqyqtyq saýattylyǵy joǵarylady. Búginde «qoǵamda bir nárse aıtsań, ony barlyǵy birdeı qabyldaıdy» dep aıtýǵa bolmaıdy. ıAǵnı, qoǵam ózgergennen keıin ár aıtylǵan máseleni ortaǵa salyp talqylap otyrǵan jón. Osy turǵyda búgingi Joldaýdan ózime kerek dúnıeniń basym bóligin estidim», - dedi qoǵam qaıratkeri Qazaqstan Prezıdenti Qasym-Jomart Toqaevtyń Qazaqstan halqyna Joldaýyna oraı pikir bildire kele.
Onyń atap ótýinshe, búgingi Joldaýda qysqa jáne uzaq merzimdi máseleler qamtylǵan. Qysqa merzimdi máselelerge avıatsııa, temir jol bıletteriniń tapshylyǵy syndy problemalardy jatqyzsaq, uzaq merzimdi máselede saıası júıeni jańǵyrtý jaıyn aıtýǵa bolady.
«Sońǵy jyldary azamattar áleýmettik, ekonomıkalyq qana emes saıası da talap qoıyp otyr. Aıtalyq, aldaǵy ýaqytta ekonomıkany damytý úshin mindetti túrde saıası ózgerister jasaýymyz kerek degen pikir bar. Buryn biz kerisinshe, aldymen ekonomıka, sodan keıin saıasat dep aıtatynbyz. Al búgin osy másele qozǵalyp, sherýge shyǵýǵa ruqsat beriletindigi resmı aıtyldy. Menińshe, bul mańyzdy másele», - dedi Murat Ábenov.
Áriptesin qoldaǵan saıasattanýshy Erlan Saırov shet memleketterde oryn alyp jatqan sherýlerden eshkimniń de utylyp jatpaǵanyn aıtty.
«Menińshe, bul júıe jaqyn arada Qazaqstanǵa da kiredi. Bul durys nárse. Sonymen qatar áleýmettik máseleler de bar. Olar bolashaqta sheshiledi degen oıdamyz. Osy oraıda atap óterlik taǵy bir másele bar. Bizdiń bolashaǵymyz - jastar. Jastardyń áleýmettik lıftilerin jasaý, olardyń bolashaqqa degen kózqarasyn ózgertý syndy máseleler qarastyryldy. Bul da óte oryndy másele», - dedi ol.
Aıta keteıik, Memleket basshysy Qasym-Jomart Toqaev búgingi Joldaýynda elde mıtıngke shyǵý úshin arnaıy oryn berilýi múmkindigin aıtty.