Shengen vızasyna Qazaqstan azamattarynyń jalǵan málimet usyný derekteri jıilep ketti - SІM

<p>ASTANA. KAZINFORM &ndash; Syrtqy ister mınıstrliginiń resmı ókili Aıbek Smadııarov Eýropa odaǵynyń vıza berý protsesi nege qıyndaǵanyn túsindirdi.</p>

«Qazir Qazaqstan Syrtqy ister mınıstrligi Eýropa odaǵy ókilderimen vızalyq rejımdi jeńildetý boıynsha jumystardy atqaryp jatyr. Eýropa elderi konsýldarynyń aqparatyna qaraǵanda, Qazaqstanda jalǵan qujattardy usyný derekteri jıilep ketti. Bul óz kezeginde Shengen vızasyn berýden bas tartý faktileriniń ósýine alyp keledi», - dedi A. Smadııarov vedomstvodaǵy aptalyq baspasóz máslıhatynda. 

Bul turǵyda ol vıza alý úshin jalǵan derekteri bar qujattardy usyný Qazaqstan ımıdjine eleýli zııan keltirip, kelissóz júrgizýdi qıyndatatynyn aıtty. Sondaı-aq bolashaqta vızadan bas tartý múmkindigin arttyra otyryp, azamattarymyzdyń vızalyq málimetterin nasharlatady.

Mundaı jalǵan qujattar muqııat tekseriletinin eskersek, vızalyq ótinishterdi qaraý merzimin uzartady.

«Sonyń nátıjesinde azamattardyń vızany keshiktirý týraly shaǵymdary jıilep ketti. Osyǵan baılanysty qajet qujattardy usyný, vızaǵa ótinish berý, tıisti alymdardy tóleý protsesin muqııat baqylaýǵa shaqyramyz», - dedi resmı ókil.