«Shengen» qymbattaıdy: EO tarıftiń kóterilýin ınflıatsııamen baılanystyryp otyr

<p>ASTANA. KAZINFORM &ndash; 11 maýsymnan bastap qysqa merzimdi Shengen vızasynyń quny kóteriledi. Bul týraly <a href="https://ru.euronews.com/travel/2024/06/06/travel-short-stay-schengen-visa-costs-a" target="_blank" rel="noopener">Euronews</a> jazdy.&nbsp;&nbsp;</p>

Shengen vızasynyń quny osy jyldyń maýsym aıynda ósedi, ony Eýropalyq komıssııa rastady. Vıza baǵasy 12 paıyz qymbattaıdy. Rásimdeý quny eresekter úshin 80 eýrodan 90 eýroǵa deıin jáne balalar úshin 40 eýrodan 45 eýroǵa deıin ósedi. 

Komıssııa buǵan múshe elderdegi ınflıatsııa kináli ekenin aıtty. Brıýssel basqa elderge vıza qunymen salystyrǵanda alymdar áli de «salystyrmaly túrde tómen» ekenin túsindirdi. Mysaly, Ulybrıtanııaǵa vıza 134 eýro, AQSh-qa shamamen 185 eýro, Aýstralııaǵa 117 eýro turady.

Shengen elderine Irlandııa men Kıprdi qospaǵanda, EO-ǵa múshe elder, sondaı-aq Rýmynııa men Bolgarııa kiredi. Norvegııa, Islandııa, Lıhtenshteın jáne Shveıtsarııa EO músheleri bolmasa da, Shengen konventsııasynyń músheleriniń quramana engen. 

Bıyl 11 maýsymynan bastap Shengen vızasy úshin alymdar ósedi. 

«Shengen» kimge kerek 

Shengen vızasy EO/Shengen elderinde 90 kúndik tegin júrip-turý erejesine baǵynbaıtyn EO-ǵa kirmeıtin elderdiń azamattary úshin qajet. 

Vıza týrıstik saparǵa nemese týystaryna barý úshin qajet, ol Shengen aımaǵynda jumys isteýge jaramaıdy. Shengen vızasymen siz kez kelgen alty aılyq kezeńde elge 90 kúnge deıin bara alasyz. 

Qysqa merzimge kelgen AQSh, Kanada, Ulybrıtanııa jáne Aýstralııa turǵyndaryna Shengen vızasyn alýdyń qajeti joq. Olar árbir 180 kúnniń 90 kúninde vızasyz kirýge quqyly bolady.

Uzaq ýaqyt qalǵysy keletinder nemese jumysqa kelgender ózderin qyzyqtyratyn elde basqa vızaǵa ótinish berýi tıis.