Sheneýnikter úshin tabysyn jarııalaý mindeti 2025 jylǵa shegerildi

ASTANA. QazAqparat – Elimizde sheneýnikter men memlekettik qyzmetshilerdiń jeke tabysyn jarııalaýy 2025 jylǵa deıin toqtatyldy, dep habarlaıdy QazAqparat tilshisi.

«Qazir ótken jyldyń tabysy boıynsha barlyq memlekettik qyzmetshiler men olarǵa teńestiriletinder jáne olardyń jubaılary esep berip jatyr. Iá, buǵan deıin sheneýnikter men memlekettik qyzmetshiler jeke tabysy týraly deklaratsııany toltyrýy kerek degen sheshim qabyldandy. Olardyń qatarynda saıası qyzmetkerler, A korpýsyna jatatyn qyzmetkerler, depýtattar jáne taǵy basqalar boldy. Degenmen atalǵan norma 2025 jyldyń qańtaryna deıin toqtatyldy jáne ázirge bul másele qaralyp jatqan joq», - dedi Qarjy mınıstrligi Memlekettik kirister komıtetiniń tóraǵasy Danııar Janálinov Ortalyq kommýnıkatsııalar qyzmeti alańynda ótken baspasóz máslıhatynda.

Spıkerdiń túsindirýinshe, atalǵan normaǵa eshqandaı ózgerister engizilmese, onda sheneýnikter men memlekettik qyzmetshiler 2025 jylǵy 1 qańtardan bastap jeke tabystaryn kópshilikke jarııalaýy tıis.