«Shenchjoý-18» mıssııasynyń taıkonavtary Jerge oraldy

<p>ASTANA. KAZINFORM &ndash; Dúısenbi kúni tańerteń &laquo;Shenchjoý-18&raquo; basqarylatyn ǵarysh kemesiniń qaıtarylmaly kapsýlasy Qytaıdyń soltústigindegi Dýnfen alańyna qondy, dep habarlaıdy Kazinform menshikti tilshisi.&nbsp;</p>

Mıssııaǵa qatysqan úsh taıkonavt kapsýladan shyǵyp ketti. Bul týraly QHR basqarylatyn ǵaryshtyq baǵdarlamasynyń basqarmasy habarlady. 

Orbıtada alty aı boıy bolǵan «Shenchjoý-18» mıssııasynyń ekıpajy 4 qarashada aınalymnan keıin Jerge oraldy.

Basqarma aqparatynsha, «barlyq ǵaryshkerlerdiń fızıkalyq jaǵdaıy jaqsy, olardyń mıssııasy tolyǵymen sátti boldy». 

Eske sala ketsek, 30 qazanda Qytaı Tszıýtsıýan ǵarysh aılaǵynan «Shenchjoý-19» basqarylatyn ǵarysh kemesin ushyrdy. Quramynda úsh taıkonavt bar «Shenchjoý-19» kemesi stantsııada 2025 jyldyń sáýir aıynyń aıaǵy nemese mamyr aıynyń basyna deıin bolady.