«Shenchjoý-18» ǵarysh kemesi Qytaı ǵarysh stantsııasymen túıisti

<p>ASTANA. KAZINFORM &ndash; Bortynda úsh taıkonavty bar &laquo;Shenchjoý-18&raquo; ǵarysh kemesi juma kúni tańerteń Qytaıdyń orbıtalyq stantsııasymen sátti túıisti. Bul týraly Qytaıdyń Basqarylatyn ushý baǵdarlamasy basqarmasynan habarlady.</p>

Xinhua agenttiginiń habarlaýynsha, juma kúni «Shenchjoý-18» kemesiniń bortyndaǵy úsh ǵaryshker «Tıangýn» ǵarysh stantsııasyna kirdi.

Jańa ekıpaj orbıtada alty aıǵa jýyq ýaqyt bolady. Qazir orbıtada júrgen «Shenchjoý-17» ekıpajy ǵaryshkerler aýysqan soń osy aıdyń sońynda Jerge oralady.

Eske sala ketsek, «Shenchjoý-18» basqarylatyn ǵarysh kemesi beısenbi kúni Gansý provıntsııasyndaǵy Tszıýtsıýan spýtnıktik ushyrý ortalyǵynan ushyrylyp, «Tıangýn» orbıtalyq stantsııasyna úsh adamnan turatyn ekıpajdy jetkizdi.

«Shenchjoý-18» ǵaryshtyq mıssııasyn qytaılyq ǵaryshkerler E Gýanfý, Lı Tsýn jáne Lı Gýansý júzege asyrýda.

Qytaılyq «Tıangýn» orbıtalyq stantsııasy shamamen 400 km bıiktikte ornalasqan jáne «T» tárizdi nysan úlgisinde salynǵan. Ol 2022 jyly turaqty paıdalanýǵa berildi jáne úsh adamǵa arnalǵan (brıgadalardyń aýysýy kezinde qysqa ýaqytqa alty adamǵa deıin).