Shekteýler alynǵanymen, saqtyq sharalaryn umytpaý kerek – Álııa Bekesheva

ATYRAÝ. QazAqparat – Ózge óńirler sekildi Atyraý oblysy da «qyzyl» aımaqta tur. Sońǵy eki kúnnen beri koronavırýs ınfektsııasyn juqtyrýshylar sany azaıa bastady. Atyraý oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Bekeshevanyń aıtýynsha, «Ashyq» jobasyna qatysatyn nysandarda shekteýler alynǵanymen, saqtyq sharalaryn umytpaý kerek, dep habarlaıdy QazAqparat.

– Álııa Áıipqalıqyzy, qandaı nysandarda shekteý alynyp tastaldy?

– QR Bas memlekettik sanıtarııalyq dárigerdiń mindetin atqarýshynyń 27 qańtarda qoldanystaǵy shekteýlerdi jeńildetýdi kózdeıtin jańa qaýlysy qabyldandy. Jańa qaýlyǵa sáıkes epıdemıologııalyq táýekel aımaǵyna («jasyl», «sary», «qyzyl») qaramastan qyzmetkerler men kelýshilerdiń qaýipsiz «jasyl» mártebesimen jumys isteıtin nysandar úshin shekteý alynyp tastaldy. ıAǵnı «Ashyq» jobasyna qatysatyn nysandardyń jumys jáne demalys kúnderindegi jumys rejıminiń ýaqytyna shekteý bolmaıdy. Biraq, karantındik shekteýler alyndy eken dep, saqtyq sharalaryn umytýǵa bolmaıdy.

– Endi qandaı buqaralyq is-sharalardy shekteýsiz ótkizýge bolady?

– «Ashyq» jobasyna qosylǵan nysandarda saltanatty toılardy, eske alý, oıyn-saýyq, sporttyq is-sharalardy ótkize berýge bolady. Kórmeler men konferentsııalardy, forýmdardy ótkizýge ruqsat etildi.

Sport keshenderi, oıyn klýbtary, kazıno, túngi klýbtar, karaoke, saýyqtyrý jáne dinı, saýda-oıyn-saýyq nysandary burynǵysha jumys isteı beredi. Budan bylaı saýda alańy 1000 sharshy metrden asatyn azyq-túlik emes buıymdar, sondaı-aq, saýda alańy 6000 sharshy metrden asatyn azyq-túlik satatyn saýda jelileriniń, basseınderdiń jumysy toqtatylmaıdy.

Al, kelýshilerde beıtarap («kók») nemese qaýipsiz («jasyl») mártebe bolǵan jaǵdaıda epıdemıologııalyq jaǵdaıdy baǵalaý matrıtsasyna sáıkes «jasyl» aımaqtaǵy (epıdemıologııalyq táýekeli tómen) óńirlerde «Ashyq» jobasyna qatysýshylarynyń qyzmeti shekteýsiz júzege asyrylady. Sondaı-aq, «sary» (epıdemıologııalyq táýekeli ortasha) jáne «qyzyl» (epıdemıologııalyq táýekeli joǵary) aımaqtarda karantındik shekteýler (60%) toltyrýdy arttyrýǵa qaraı jeńildetiledi.

– Temirjol vokzalyna, áýejaılarǵa, ózge de nysandarǵa kirý úshin shekteý bar ma?

– Qazir barlyq shekteýler alynyp tastaldy. Onyń ishinde oblysaralyq, oblysishilik, qalalyq (turaqty jáne turaqty emes) tasymaldardy júzege asyratyn nysandar bar. Atap aıtqanda, qonaq úıler, áýejaılar, temirjol, sý jáne avtovokzaldar, ózen, teńiz porttary, avtostantsııalar men jolaýshylarǵa qyzmet kórsetý pýnktteri, HQKO, «Qazposhta» bólimsheleri, bankter, sulýlyq salondary, SPA-ortalyqtar, jabyq bazarlar, ashana tıpindegi qoǵamdyq tamaqtaný nysandary, mektepke deıingi jáne qosymsha bilim berý uıymdary úshin beıtarap «kók» mártebe bolǵan jaǵdaıda shekteýsiz kirý saqtalady.

– Al mektepterdegi sabaq qalaı ótedi?

– Atyraý oblysynda da 600-ge jetpeıtin oqýshysy bar mektepterde sabaqty shtattyq rejımde ótkizip jatyr. Al, oqýshy sany 600-den asatyn bilim ordalarynyń 1-4 synyptaryna jáne mektepterdiń jobalyq qýatynyń 50%-nan aspaıtyn júktememen oqytýǵa ruqsat etildi. Ózge synyptarda sabaqty onlaı formatta ótkizý jalǵasa beredi.

- Suhbatyńyzǵa rahmet!