Shekeradan alty qap pyshaq alyp ótpek bolǵan sheteldik ustaldy

TARAZ. QazAqparat – Jambyldyq shekarashylar Qazaqstanǵa qap-qap kezdik alyp ótpekshi bolǵan shetel azamatyn quryqtady, - dep habarlaıdy QazAqparat.

Atalǵan fakt «Qarý» jedel-aldyn alý is-sharasyn ótkizý kezinde anyqtalǵan. Bul týraly oblystyq polıtsııa departamentiniń baspasóz qyzmeti málimdedi.

«Jambyl aýdanynyń polıtsııa bólimi jáne QR UQK Shekara qyzmetiniń qyzmetkerleri Qyrǵyz Respýblıkasynan Qazaqstan Respýblıkasynyń aýmaǵyna kirer kezde «Aısha bıbi» ótkizý beketinde Reseı Federatsııasynyń 52 jastaǵy azamatynyń basqarýyndaǵy «DAF» markaly avtomashınasyn toqtatyp, qarap shyqty. Tekserý kezinde kólik quralynyń júk bóliginen qoldan jasalǵan pyshaǵy bar alty qap tabyldy»,-delingen vedomstvo habarlamasynda.

Qazirgi tańda bul pyshaqtar kimge tıesili, qandaı maqsatta shekaradan ótkizilmek bolǵandyǵyn anyqtaý maqsatynda sot-medıtsınalyq saraptama taǵaıyndalǵan. Qazaqstan Respýblıkasy Qylmystyq kodeksiniń 287 baby, 1-shi tarmaǵyna sáıkes, sotqa deıingi tergeý amaldary júrgizilýde