Shekarashylar tapqan 5 gektar alqaptaǵy jabaıy qarasora joıyldy
«Shonjy shekara otrıadynyń «Tekes» jáne Kúrshim shekara otrıadynyń «Órel» shekara zastavalarynyń aýmaǵynan shekarashylar jabaıy qarasora alqaptaryn tapty. Eki jerden anyqtalǵan alqaptyń jalpy kólemi - 5 gektar. Osyǵan baılanysty jergilikti atqarýshy organ ókilderiniń qatysýymen ósimdik alqaby joıyldy. 9 myń túp esirtki ósimdiginiń jalpy salmaǵy 1,5 tonnadan asqan», delingen habarlamada.
Sondaı-aq, keshe saǵat 22:00 shamasynda Saryaǵash shekara otrıadyna qarasty «Yntymaq» zastavasynda shekaranyń buzylǵany jóninde belgi kelip túsken.
Oqıǵa ornyna attanǵan top Ózbekstannan elimizge qaraı jasyryn ótpek bolǵan eki ózbekstandyqty ustady. Olar kúnkóris qamymen jumys izdeýge shyqqanyn aıtqan. Qazir quqyq qorǵaý organdary osy is boıynsha tekserý júrgizip jatyr.
Budan basqa, Qorǵastaǵy shekarashylar Halyqaralyq shekara mańy yntymaqtastyǵy ortalyǵynan qaıtyp kele jatqan 21 jastaǵy Qazaqstan azamatynan salmaǵy 63 kg Qytaıda shyǵarylǵan dári-dármek tárkiledi. Tárkilengen zat aktilenip Altynkól keden beketine tapsyryldy.