Shekarashylar brakonerlerdi ustady: Memleketke kelgen shyǵyn 20 mln teńgeden asady

MAŃǴYSTAÝ OBLYSY. QazAqparat – Mańǵystaý oblysynda 2018 áskerı bóliminiń Shekara qyzmetkerleri 28 naýryz kúni túngi saǵat 22.00 shamasynda bekire tuqymdas balyqtardy zańsyz alyp kele jatqan eki Qazaqstan Respýblıkasynyń azamatyn ustady.

Bul týraly QR Ulttyq Qaýipsizdik komıtetiniń Shekara qyzmetiniń baspasóz qyzmeti habarlady. Baspasóz málimetterine qaraǵanda, shekara qyzmetiniń sarbazdary Mańǵystaý oblysynyń Qaraqııa aýdanyndaǵy Kendirli demalys aımaǵynda «Burǵylaý» demalys orny mańynda ÝAZ markaly avtokóligin toqtatqan.

Avtókólikti toqtatý jáne tekserý barysynda 2 adam belgisiz baǵytqa qashyp ketken. Avtokólikti tekserý barysynda salmaǵy 79 kg 20 dana bekire tuqymdas balyq tabyldy. Memleketke keltirilgen shyǵyn 20 mln. 642 myń 900 teńgeni quraıdy.

Zań buzýshylardy quryqtaý maqsatynda júrgizilgen sharalar barysynda kólikti tastap qashqan eki Qazaqstan azamaty ustaldy.

Ustalǵan azamattar, ÝAZ avtokóligi jáne 20 dana bekire tuqymdas balyǵy akti arqyly Mańǵystaý oblysy Qaraqııa aýdany polıtsııa bóliminiń tergeý tobyna tapsyryldy.