Kórshi elderden shegirtke kelmes úshin Qazaqstan baqylaýdy kúsheıtedi

<p>ASTANA. KAZINFORM &mdash; Qazaqstan men Reseıdiń shekaralas aýmaqtary burynǵysynsha Qazaqstan Respýblıkasy Aýyl sharýashylyǵy mınıstrliginiń erekshe baqylaýynda qala bermek.&nbsp;</p>

Shegirtke zııankesterine qarsy júrgizilip jatqan qorǵaý sharalarynyń tıimdiliginiń tómendeýine jol bermeý jáne Qazaqstanda turaqty fıtosanıtarlyq jaǵdaıdy saqtaý maqsatynda Qazaqstan Respýblıkasynyń Aýyl sharýashylyǵy mınıstrligi Reseı Federatsııasyna shekaralyq aýmaqta shegirtke zııankesteriniń taralýyn boldyrmas úshin shegirtkelerge qarsy baqylaýdy kúsheıtý qajettigi týraly hat joldady.

Jaǵdaı vıtse-premer Serik Jumanǵarınniń jiti baqylaýynda, Orynbor oblysynyń gýbernatory Denıs Pasler, Aýyl sharýashylyǵy mınıstri Aıdarbek Saparov jáne Reseıdiń ónerkásip departamenti birlesken qarsy sharalar ázirlenýde.

Qazaqstan Respýblıkasynyń Aýyl sharýashylyǵy mınıstri Aıdarbek Saparov pen RF Premer-Mınıstriniń orynbasary Dmıtrıı Patrýshevtiń, Reseı Federatsııasy Aýyl sharýashylyǵy mınıstri Oksana Lýttyń shekarada shegirtkeniń taralý qaýpine qatysty kelissózderi nátıjesinde Reseı tarapynan sharalardy kúsheıtý týraly kelisimge qol jetkizildi. 

Reseı Federatsııasynyń shekaralas aýmaqtaryndaǵy qaýpi joǵary aımaqtardan ushyp keletin shegirtke úıirleriniń kóshi-qon joldary Aqtóbe oblysynyń Áıtekebı aýdany, sondaı-aq Qostanaı oblysynyń Jitiqara jáne Denısov aýdandary ótedi.

18 maýsymda Aqtóbe oblysyna Orynbor oblysy mańynan shegirtke zııankesteriniń ushýyp kelýi tirkeldi. Osyǵan oraı, Áıteke bı aýdanynda hımııalyq óńdeýge josparlanǵan 307 myń gektar aýmaqtyń qorǵaý sharalary kúsheıtilip, 62 myń gektarynda jumystar aıaqtaldy. Qajet bolǵan jaǵdaıda qosymsha tehnıka jiberý múmkindigi bar.

Óńirge is-qımyldy úılestirý úshin vıtse-mınıstr Ermek Kenjehanuly jiberildi. Áıteke bı aýdanynda Orynbor oblysynyń vıtse-gýbernatorynyń qatysýymen shegirtke zııankesterimen kúres boıynsha birlesken jumys máseleleri boıynsha jedel keńes ótedi. Qazir Aýyl sharýashylyǵy mınıstri Aıdarbek Saparov Ulytaý óńirinde jumys saparymen júr, odan keıin jumys barysyn baqylaý úshin Aqtóbe oblysyna barady. 

Aıta keteıik, Qazaqstanda 19 maýsymdaǵy jaǵdaı boıynsha óńdeý jumystary jospar boıynsha jumystar júrgizilýde. Hımııalyq óńdeý 1,5 mln ga aýmaqta júrgizildi, onyń ishinde Qostanaı oblysynda 240 myń ga, Aqtóbe oblysynda 469,8 myń ga. Shekaradaǵy taǵy 8 aımaqta da qorǵanys sharalary jalǵasýda. Atap aıtqanda, Batys Qazaqstan oblysynda 93 myń gektar, Atyraý oblysynda 70 myń gektar, Abaı aýdanynda 33 myń gektar, t.b. 

Aýmaqtarda monıtorıngtik zertteýler sharalary áli de júrip jatyr.