Shekaralas eldermen sý-tehnogendik apattardyń aldyn alý boıynsha komıssııa qurylmaıdy
«Memleketaralyq kózderdiń sý resýrstaryn paıdalaný men qorǵaýdy birlesip basqarý salasyndaǵy yntymaqtastyq týraly» Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne Ózbekstan Respýblıkasy arasyndaǵy kelisimge sáıkes (1992 j. 18 aqpan) Ortalyq Azııanyń Memleketaralyq úılestirý sý sharýashylyǵy komıssııasy (MÚSK) quryldy. MÚSK Aral teńizi basseınindegi memleketaralyq kózderdiń sý resýrstaryn basqarý, utymdy paıdalaný jáne qorǵaý máselelerin birlesip sheshý jáne taraptardyń alqalylyq jáne múddelerin ózara qurmetteý qaǵıdattary negizinde birlesip belgilengen baǵdarlamalardy iske asyrý jónindegi Ortalyq Azııa memleketteriniń óńirlik organy bolyp tabylady. MÚSK otyrysy toqsan saıyn, quryltaıshy memleketterdiń birinde kezekpen ótkiziledi», - dedi Úkimet basshysy.
Onyń atap ótýinshe, MÚSK týraly erejeniń 2.16-tarmaǵyna sáıkes MÚSK mindetterine memleketaralyq mańyzy bar sý sharýashylyǵy obektilerin paıdalanýǵa baılanysty tótenshe jaǵdaılar men dúleı zilzalalardyń aldyn alýdyń, habarlaýdyń jáne saldaryn joıýdyń birlesken baǵdarlamalaryn ázirleý máseleleri kiredi.
«Sonymen qatar Sardoba sý qoımasynyń qurylysyn kelisý jaǵdaıynda ózbek tarapy bul máseleni MÚSK otyrysynyń qaraýyna shyǵarǵan joq. Joǵaryda aıtylǵandarǵa baılanysty iri sý-tehnogendik apattardyń aldyn alý boıynsha shektes eldermen memleketaralyq komıssııa qurýdyń qajettiligi joq. Sonymen qatar Qazaqstan tarapy MÚSK-niń kelesi otyrystary sheńberinde sý qoımalarynyń qaýipsizdigin qamtamasyz etý jóninde sharalar qabyldaýǵa qatysty máselelerge bastamashylyq jasaıtyn bolady», - dedi Asqar Mamın.