Shekaradan quny 87 mln teńge temekini zańsyz alyp ótpek bolǵandar ustaldy

<p>TALDYQORǴAN. KAZINFORM — Kólik prokýratýrasy men keden organdarynyń tekserýleri kezinde quny birneshe mıllıon teńge bolatyn zańsyz eksportqa jol berilmedi. Bul týraly Bas kólik prokýratýrasy málimdedi.</p>

Quzyrly organ ókilderi taratqan málimetke súıensek Mańǵystaý oblysynda «Morport» keden beketinde konteınerlerge tekseris júrgizý barysynda Irannan kelgen qoqys jáshikterin jeleý etip, Oris — temekileriniń úlken partııasyn jasyryp alyp ótpekshi bolǵandar ustalǵan. Kontrabandalyq jolmen elge ákelgen 226 myńnan astam qoraptyń jalpy quny 85,9 mln teńge. Qazir ekonomıkalyq kontrabanda (QR QK-niń 234-baby) baby boıynsha sotqa deıingi tergeý bastaldy.

— Sondaı-aq, Jetisý oblysyndaǵy «Altynkól-Jol» beketinde jeńil panelder atyn jamylǵan quny 87 mln teńge bolatyn 400 myń qorap temekini zańsyz alyp ótý áreketi toqtatyldy. Júk Polshaǵa jetkizilmek bolǵan, — delingen habarlamada.

Túrkistan oblysynda da 17 kólikpen shekaradan ótpek bolǵan 413 tonna aǵashty zańsyz eksporttaýdyń joly kesildi. Qylmyskerler ákimshilik jaýapkershilikke tartyldy.

Prokýratýra men keden organdarynyń úılestirilgen jumysynyń nátıjesinde eksporttyq operatsııalardyń zańdylyǵyn baqylaýǵa jáne memlekettiń múddesin qorǵaýǵa bolady. Kontrabandamen kúresý jumystary jalǵasýda.

Eske salaıyq, osyǵan deıin Jetisý oblysynda birneshe márte alaıaqtyq jasaǵan áıeldiń sottalǵanyn jazǵanbyz.