Shekaradan Qytaıǵa 205 dana aqbóken múıizin alyp ótpek bolǵan

<p>ASTANA. KAZINFORM &mdash; Jol talǵamaıtyn kóliktiń júrgizýshisi qosalqy dóńgelekke jasyrý arqyly 205 dana aqbóken múıizin zańsyz ótkizbek bolǵan. Bul týraly QR QM Memlekettik kirister komıtetiniń baspasóz qyzmeti habarlady. &nbsp;</p>

13 naýryzda Qytaımen shekaralas kedendik baqylaý kezinde Jetisý oblysy boıynsha «Qorǵas HShYO» keden beketiniń laýazymdy tulǵalary men QR Ulttyq qaýipsizdik komıtetiniń Shekara qyzmetimen birlesip, «Toyota» avtokóligin basqarǵan Qazaqstan Respýblıkasynyń azamaty «S» kedendik baqylaýdan qosalqy dóńgelekte jasyrylǵan «kıik múıizderi» anyqtaldy. Zań buzýshylyq júrgizýshimen áńgimelesý ári  kólik quralyn tekserý barysynda belgili bolǵan. 

Kólik Qazaqstan Respýblıkasynan «Qorǵas HShYO» AEA aýmaǵyna baǵyt alǵan jerinen ustaldy.

Atalǵan fakt boıynsha Qazaqstan Respýblıkasynyń zańnamasynda kózdelgen protsessýaldyq áreketter júrgizilip jatyr. 

«Mundaı áreket úshin jaýapkershilik Qazaqstan Respýblıkasy Qylmystyq kodeksiniń 339-1-babynda „Kıikti zańsyz qolǵa túsirý, joıý, sol sııaqty zańsyz qolǵa túsirilgen kıikti nemese onyń derıvattaryn, onyń ishinde múıizderin ıemdený, saqtaý, ótkizý, ákelý, áketý, jóneltý“ qarastyrylǵan» — delingen habarlamada.

Aıta keteıik, «Qorǵas HShYO» 2023 jyldyń 24 sáýirinen bastap jumys isteıdi. Ashylǵan kúnnen bastap keden organdary júrgizgen is-sharalardyń nátıjesinde keden zańnamasyn buzýdyń 797 faktisi anyqtalyp, 134 ákimshilik is qaralyp, 40,5 mıllıon teńgeden astam aıyppul óndirildi.

Quqyq buzýshylyqtardyń ishinde:

— ​taýarlardy jalǵan deklaratsııalaý 181 faktisi (teri buıymdary, uıaly telefondar, telefon aksessýarlary);

— jeke paıdalanýǵa arnalǵan taýarlardy deklaratsııalamaýdyń 188 faktisi;

— jalpy somasy 2,8 mln AQSh dollaryn quraıtyn deklaratsııalanbaǵan qurajatty tasymaldaý áreketiniń 172 faktisi.

— halyqaralyq poshta jóneltilimderin tasymaldaý tártibin buzýdyń 256 faktisi bar.

Sondaı-aq, sot sheshimimen tárkileý týraly memleket kirisine mynalar tárkilendi:

— Volkswagen, Toyota Ipsum kólik quraldary;

— 912 blok ár túrli markaly temeki ónimderi.