Shekaradan 25 keli esirtki zattaryn alyp ótpek bolǵandar ustaldy

ASTANA. QazAqparat - Qazaqstandyq shekarashylar iri kólemdegi esirtki zattaryn ótkizbek bolǵan azamattardyń jolyn kesti, dep habarlaıdy QR UQK Shekara qyzmetinen.

«Elimizdiń soltústik shebin kúzetip júrgen shekarashylar shaǵyn 48 túıinshekke salynǵan, jalpy salmaǵy 25 keli bolatyn esirtki zattaryn áketip bara jatqandardy ustady. Tekserý kezinde geroındy jasyrǵandardyń bireýi Reseı Federatsııasynyń, al ekeýi Qyrǵyz Respýblıkasynyń azamattary bolyp shyqty», delingen habarlamada.

Іri kólemdegi esirtki zattary «Toıota RAV-4» avtomobıliniń tabaldyryǵynan tabyldy. Mashınaǵa júrgizilgen jóndeý jumystary birden kúdik týǵyzdy. Osyndaı jerlerdi muqııat qaraǵan kezde ózindik ıisi bar untaqtyń tyǵylǵan jeri anyqtaldy.

Sondaı-aq ońtústiktegi qazaq-qyrǵyz shekarasynyń saqshylary «Mersedes-Bents» avtokóliginen 49 jastaǵy qyrǵyzstandyq azamatty ustady. Mashınanyń aldyńǵy bóligin qaraý kezinde skotchpen oralǵan 36 túıinshek tabyldy. Olardy ashqanda ishinen 1 kelige jýyq geroın, 4 keli gashısh shyqty.

Tergeý amaldary júrgizilýde.