Shekaradaǵy 12 kedendik ótkizý pýnktinde elektrondy kezek júıesi iske qosyldy
Qarjy mınıstrliginiń Memlekettik kirister komıteti QR UQK Shekara qyzmetimen birlesip EAEO-nyń syrtqy shekarasymen tuspa-tus keletin Qazaqstan Respýblıkasynyń kedendik shekarasyndaǵy 12 ótkizý pýnktinde elektrondy kezektiń avtomattandyrylǵan júıesiniń pılottyq iske qosylǵanyn málim etti.
Elektrondyq kezek júıesin qurýdyń maqsaty – kólik quraldarynyń, júkter men taýarlardyń ótkizý pýnktine kirý kezektiligin qalyptastyrý protsesiniń ashyqtyǵy men tsıfrlandyrylýyn qamtamasyz etý, sondaı-aq eldiń tranzıttik-kóliktik jáne eksporttyq áleýetin arttyrý.
Júıeni QR QM «Aqparattyq-esepke alý ortalyǵy» AQ mamandary ázirledi. Bul júıe barynsha yńǵaıly jáne ashyq bolyp tabylady, júrgizýshi kórsetilgen portalda tirkelgennen keıin nemese mobıldi qosymsha arqyly jol júrý úshin bos kún men ýaqytty tańdaıdy. Bul rette júrgizýshi óz kezegi týraly SMS-habarlama alady.
Ýaqytsha shemamen jáne elektrondyq kezekti engizý merzimderimen QR QM Memlekettik kirister komıtetiniń resmı ınternet-resýrstarynda (kgd.gov.kz) jáne veb-saıt CargoRuqsat.kz (CGR.qoldau.kz) tanysýǵa bolady.
Elektrondyq kezek engiziletin ótkizý pýnktteriniń tizimi:
1) Temir-Baba (Mańǵystaý oblysy);
2) Nur Joly (Jetisý oblysy);
3) Tájen (Mańǵystaý oblysy);
4) Jibek Joly (Túrkistan oblysy);
5) Tselınnyı (Túrkistan oblysy);
6) Syrdarııa (Túrkistan oblysy);
7) B. Qonysbaev (Túrkistan oblysy);
8) Maıqapshaǵaı (Shyǵys Qazaqstan oblysy);
9) Qaljat (Almaty oblysy);
10) Qazyǵurt (Túrkistan oblysy);
11) Atameken (Túrkistan oblysy);
12) Baqty (Abaı oblysy)
Eske salsaq, 2022 jylǵy 23 qarashada «Dostyq avto» ótkizý pýnktinde elektrondy kezek júıesin engizý boıynsha alǵashqy pılottyq joba iske qosyldy. Іske qosylǵan sátten bastap bul júıeni 4,2 myńnan astam paıdalanýshy paıdalandy, brondaýǵa baılanysty 28 myńnan astam operatsııa jasaldy.
Foto: gov.kz