Shekaradaǵy halyqtyń aılyǵy men áleýmettik tólemderine qansha ústemeaqy qosylady

<p>ASTANA. KAZINFORM &ndash; Premer-mınıstrdiń orynbasary Tamara Dúısenova shekaralyq aýdandardaǵy halyqtyń aılyǵy men áleýmettik tólemderine ústemeaqy qosý máselesine pikir bildirdi.</p>

- Bizdiń Ulttyq ekonomıka mınıstrligi 50 shaqyrym radıýspen dep jalpylamaı, shekaralyq aýdanǵa jatatyn eldi mekenderdiń naqty tizbesin berý kerek. Ol eldi mekenderde qansha azamat turatynyn, qandaı mekemeler jumys istep turǵanyn, olardyń jumysshylaryna ústemeaqyny qandaı jolmen qoıýymyz kerek? Osynyń bárin esepteý kerek. Másele qarajat esepteýge baılanysty. Qazir neshe paıyz bolatyny áli anyqtalǵan joq, - dedi Tamara Dúısenova.

Sondaı-aq, ol Semeı men Aral óńirindegi ekologııalyq ústemeaqylardy kóterý josparda joq ekenin aıtty.

- Biz ústemeaqylar emes, eńbekaqyny kóterýimiz kerek. Ústemeaqy degen eńbekaqyǵa esepteletin aqy. Biz muǵalimder men dárigerlerdiń eńbekaqysyn eki ese kóterdik. Aýyldaǵy memlekettik qyzmetkerler men azamattyq qyzmet mamandarynyń aılyǵy birtindep kóterilip kele jatyr. Áleýmettik qamsyzdandyrý salasyndaǵylardyń aılyǵyn kóterý bıyl aıaqtalyp jatyr. Sondyqtan memlekettik bıýdjetten aılyq alatyndardyń eńbekaqysy tolyǵymen birtindep kóterilip keledi. Al jeke menshiktegi jumysshylardyń máselesin áleýmettik jaýapkershilik arqyly sheshý baǵytynda jumys istep jatyrmyz, - dedi Tamara Dúısenova.

Buǵan deıin Alataý qalasynda bıýdjetten jalaqy alatyn qyzmetkerlerdiń aılyǵyna 25 paıyz ústemeaqy qosylatynyn jazǵan edik.