Shekarada tárkilengen taýarlar balalar jáne qarttar úılerine berildi

NUR-SULTAN. QazAqparat - Shyǵys Qazaqstan oblysynda 42 mln teńgeniń tárkilengen taýary 16 áleýmettik mekemege taratylyp berildi, dep habarlaıdy QazAqparat QR Qarjy mınıstrligi Memlekettik kirister komıtetine silteme jasap, dep habarlaıdy QazAqparat.

16 áleýmettik mekemeniń arasynda balalar úıleri men qarttar úıleri bar.

2021 jyldyń sáýir aıynda «Baqty» keden beketinde Shyǵys Qazaqstan oblysy boıynsha Memlekettik kirister departamentiniń qyzmetkerleri deklaratsııadan ótpegen halyq tutynatyn taýarlardy (aıaq kıim, kıim, oıynshyqtar, ónerge arnalǵan ) tárkilegen bolatyn. 982 qoraptaǵy týardyń kedendik quny 42 mln teńge.

Taýar EAEO arqyly Vengrııaǵa tranzıtpen ótken. Atalǵan derek boıynsha qylmystyq is qozǵaldy.

«Sotqa deıingi tergep-tekserý sheńberinde Semeı kólik prokýratýrasy qaýly shyǵaryp, onyń aıasynda zattaı dáleldemeler bolyp tabylatyn halyq tutynatyn taýarlar keri eksport kedendik rásimine ornalastyrý úshin ShQO boıynsha MKD-ǵa berildi.

Alaıda tasymaldaýshy da, taýardyń ıesi de keri eksport kedendik rásimin málimdeý úshin shara qabyldamady.

Sharalardyń qabyldanbaýyna baılanysty taýar ýaqytsha saqtaý qoımasyna ornalastyryldy», - delingen Memlekettik kirister departamentiniń habarlamasynda.

Osyǵan oraı, departamentte turaqty jumys isteıtin komıssııa paıdalanýǵa jaramdy taýarlardy balalar úılerine, qarttar men múgedekter úılerine, balabaqshalarǵa, mektepterge, medıtsınalyq-áleýmettik mekemelerge ne arnaýly áleýmettik qyzmetter kórsetetin sýbektilerge taratyp berý týraly sheshim qabyldady. Bólip berýdi jergilikti atqarýshy organdar júzege asyrady.