Shekara mańyndaǵy aýyldarda 107 radıotaratqysh ornatylady
Bul týraly Aqparat jáne qoǵamdyq damý mınıstri Aıda Balaeva halyq aldyndaǵy eseptik kezdesýinde aıtty.
«2021 jyldyń sońyna deıin shekara mańyndaǵy óńirlerde 107 radıotaratqysh ornatylady. Bul Qazaq radiosy men Shalqar radıosynyń habar taratýyn qamtamasyz etedi. Nátıjesinde 630 myńnan astam adam turatyn Túrkistan, Jambyl jáne Shyǵys Qazaqstan oblystarynyń shekara mańyndaǵy aýmaqtarynyń 400-den astam aýyly otandyq radıoarnalardyń habarlaryn tyńdaý múmkindigine ıe bolady», - dedi mınıstr.
Jalpy, osy baǵyttaǵy jol kartasyn júzege asyrý nátıjesinde 2025 jylǵa qaraı shekara mańyndaǵy óńirlerde turatyn halyqtyń 95%-yn radıobaǵdarlamalarmen qamtý kózdelip otyr.
«Bul halyqtyq radıostantsııanyń mereıtoıyna jaqsy syılyq bolady dep oılaımyn. Óz kezeginde, Prezıdenttiń aqparattyq kontentti ıdeologııalyq tolyqtyrý jónindegi ózekti tapsyrmalary aıasynda otandyq telearnalar da belsendi sharalar qabyldaýda. Atap aıtqanda, bıyl tarıhı baǵyttaǵy serıaldar shyǵarý jumysy bastaldy. Bul otandyq naryqtaǵy tarıhı taqyryptyń úlesin 30%-ǵa arttyrýǵa múmkindik beredi», - dedi Aıda Balaeva.