Shekara mańyndaǵy 300-ge jýyq aýylda mektep joq

<p>ASTANA. KAZINFORM &ndash; QR Ulttyq ekonomıka mınıstrligi shekara mańyndaǵy eldi mekenderde 6 mektep salynatynyn málim etti.</p>

«Jergilikti atqarýshy organdardyń jedel aqparatyna qaraǵanda, qazirgi kezde 300-ge jýyq shekara mańyndaǵy aýyldy eldi meken bilim oshaqtarymen qamtylmaǵan. Onyń ishinde 6 aýylda mektep salý josparlanǵan», - delingen mınıstrliktiń Kazinform agenttigine bergen jaýabynda.

Memleket basshysynyń 2022 jylǵy 1 qyrkúıektegi «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn iske asyrý jónindegi jalpyulttyq is-sharalar josparyna sáıkes, «Jaıly mektep» bilim berý salasyndaǵy ulttyq joba iske asyrylyp jatyr. Ulttyq jobanyń negizgi maqsaty – orta bilim berý uıymdarynda avarııalyq mektepterdi, úsh aýysymda oqytýdy jáne oqýshy oryndarynyń tapshylyǵyn joıý. 2026 jylǵa deıin qalalarda jáne aýyldarda oqýshy oryndarynyń tapshylyǵyn jabý úshin keminde 740 myń (eki aýysymda oqytý) jańa oqýshy ornyn paıdalanýǵa berý qarastyryldy.

Ulttyq jobany iske asyrý aıasynda orta bilim berý uıymdary obektileriniń nysanaly qurylysy jónindegi dırektsııa retinde «Samruk-Kazyna Construction» aktsıonerlik qoǵamy aıqyndalǵan.