Shekara qyzmetin basqarý modeli ońtaılandyrylmaq

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń Memlekettik shekarasy týraly» QR Zańyna ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Zań jobasyn qabyldaýdyń maqsaty - Memlekettik shekara týraly qoldanystaǵy zańnamany jetildirý.

Májilis depýtaty Janat Jarasovtyń aıtýynsha, úsh deńgeıli basqarý modelinen eki deńgeılige aýystyra otyryp, Shekara qyzmetin basqarý modelin ońtaılandyrýǵa baǵyttalǵan ózgerister men tolyqtyrýlar engizý usynylady.

Ulttyq qaýipsizdik organdarynyń qyzmetkerlerin áskerı qyzmetshiler sanatyna aýystyrý jáne Ulttyq qaýipsizdik komıtetiniń jekelegen bólimshelerin Ulttyq qaýipsizdik komıtetiniń áskerı quramalaryna qaıta qurý múmkindigi kózdeledi.

Taratylǵan málimetke qaraǵanda, Ulttyq qaýipsizdik organdarynyń oqý oryndaryn ıntegratsııalaý jáne kadrlar daıarlaý sapasyn arttyrý úshin zań jobasynda Shekara qyzmeti akademııasyn Ulttyq qaýipsizdik komıtetiniń qaramaǵyna berý kózdeledi.

Zań jobasynda qorǵanys ónerkásibi jáne memlekettik qorǵanys tapsyrysy týraly zańnamaǵa sáıkes, Ulttyq qaýipsizdik komıtetiniń Shekara qyzmeti ókilderiniń shekara korablderiniń, katerler men kemelerdiń tehnıkalyq jáne ózge de qujattamasyn daıyndaý, kelisý, olardyń óndirilýi men qabyldanýyn baqylaý jónindegi qyzmet qaǵıdalaryn bekitý jónindegi quzyreti kózdelgen.

Eske sala keteıik, «Qazaqstan Respýblıkasynyń Memlekettik shekarasy týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasyn Qazaqstan Respýblıkasy Parlamentiniń Májilisi 2020 jylǵy 17 maýsymda birinshi oqylymda maquldady.