Shekara qyzmeti men keden organdary shekara arqyly ótetin esirtki aǵymynyń jolyn kese almaı otyr - ІІM
Mınıstrdiń aıtýynsha, ótken bir jyl ishinde elimizde úsh myńnan astam esirtki qylmysy tirkelgen. Onyń ishinde esirtki ótkizýdiń eki myńǵa jýyq faktisi, esirtki kontrabandasynyń júzden astam faktisi anyqtaldy. Sonymen qatar, esepti kezeńde zańsyz aınalymnan 23,3 tonna esirtki tárkilengen. Onyń ishinde tárkilengen geroın 136,3 kelini quraǵan. Bul - aldyńǵy jylǵa qaraǵanda 21,6 paıyzǵa artyq kórsetkish. «Búgingi ahýalǵa kelsek, qabyldanyp jatqan sharalarǵa qaramastan shekara qyzmeti, keden organdary bizdiń shekara arqyly ótetin esirtki aǵymynyń jolyn kese almaı otyr. Bul rette reseılik áriptesterimizdiń geroınnyń negizgi bóligi olarǵa bizdiń el arqyly jetkiziletinderi týraly baıbalamdary negizsiz emes», - deıdi mınıstr Q. Qasymov. Bunymen qosa, ishki ister vedomstvosynyń basshysy qarýly kontıngenttiń shyǵarylýyna baılanysty Aýǵanstannan Ortalyq Azııa óńiri men Eýropa elderine esirtki tasymaly máseleleri shıelinise túsýi múmkin degen sarapshylardyń pikirine de toqtalyp ótti. «Osyndaı stsenarııge biz daıyn bolýymyz kerek», dedi ol.