Shekara qyzmetinde áskerı tártipti buzýdyń 55 deregi tirkeldi

<p>ASTANA. KAZINFORM &ndash; QR Shekara qyzmetindegi áskerı jarǵy men tártipten tys is-qımyldar nemese álimjettik oqıǵalarynyń basym kópshiligi merzimdi áskerı qyzmetshiler arasynda anyqtaldy. Bul týraly QR Ulttyq qaýipsizdik komıteti Shekara qyzmetinen málim etti.</p>

2020 jyldan 2024 jyl kezeńinde áskerdegi tıisti tártipti elmeýdiń 55 deregi tirkeldi. Olardyń basym bóligi merzimdi áskerge shaqyrylǵandar arasynda oryn alǵan, ıaǵnı 45 oqıǵa anyqtaldy. Al qalǵan 10 jaǵdaı kelisimshart boıynsha sarbazdar men merzimdi áskerı qyzmetshiler arasynda tirkeldi.

Anyqtalǵan qylmystardyń jyl saıynǵy kórsetkishi mynadaı:

- 2020 jyl – 8 (merzimdi áskerı qyzmettegi sarbazdar arasynda – 5, kelisimshart boıynsha áskerı qyzmetshiler men merzimdi áskerı qyzmetshiler arasynda – 3);

- 2021 jyl – 9 (merzimdi áskerı qyzmettegi sarbazdar arasynda – 8, kelisimshart boıynsha áskerı qyzmetshiler men merzimdi áskerı qyzmetshiler arasynda – 1);

- 2022 jyl – 19 (merzimdi áskerı qyzmettegi sarbazdar arasynda – 18, kelisimshart boıynsha áskerı qyzmetshiler men merzimdi áskerı qyzmetshiler arasynda – 1);

- 2023 jyl – 14 (merzimdi áskerı qyzmettegi sarbazdar arasynda – 10, kelisimshart boıynsha áskerı qyzmetshiler men merzimdi áskerı qyzmetshiler arasynda – 4);

- 2024 jyl – 5 (merzimdi áskerı qyzmettegi sarbazdar arasynda – 4, kelisimshart boıynsha áskerı qyzmetshiler men merzimdi áskerı qyzmetshiler arasynda – 1);

Ulttyq qaýipsizdik komıteti Shekara qyzmetiniń habarlaýynsha, áskerı qyzmetshiler arasynda zańsyz áreketterge jol bermeý baǵytynda júıeli jumystar atqarylyp jatyr.

«Bólimshelerdiń shalǵaıda ornalasqanyn eskere otyryp, laýazymdy qyzmetkerler oqý-tárbıe jáne ıdeologııalyq jumystardy uıymdastyrýda praktıkalyq kómek jasaý úshin turaqty túrde áskerı bólimshelerge barady. Psıhologtar moraldyq-psıhologııalyq jaǵdaıdy zerdeleý men ony jaqsartý maqsatynda zertteýler júrgizedi», - delingen Shekara qyzmeti málimetinde.

Eske salsaq, Qııaly shekara zastavasynda áriptesin atyp, qamaýǵa alynǵan áskerı qyzmetshi sottaldy. Jaqynda sot ony 3 jylǵa bas bostandyǵynan aıyrdy.

Oqıǵa byltyr jeltoqsan aıynda boldy.