Shekara qaýipsizdigin qamtamasyz etýdiń 5 jyldyq keshendi jospary ázirlendi

<p>2024-2028 jyldarǵa arnalǵan shekara qaýipsizdigin qamtamasyz etýdiń keshendi josparynyń jobasy ázirlendi. Bul týraly Májilis depýtattarynyń saýalyna Premer-Mınıstrdiń birinshi orynbasary Roman Sklıardyń jaýabynda aıtylǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Búgingi kúni Ulttyq qaýipsizdik komıtetiniń Shekara qyzmeti Prezıdent Ákimshiliginiń tapsyrmasyna sáıkes 2024-2028 jyldarǵa arnalǵan shekara qaýipsizdigin qamtamasyz etýdiń keshendi josparynyń jobasyn ázirledi. Jospar jobasynda memlekettik shekarany ınjenerlik-tehnıkalyq jaraqtandyrý jáne shekaralyq ınfraqurylym salý, tıimdi basqarý júıesin jáne mobıldi den qoıý kúshterin qalyptastyrý jónindegi keshendi sharalar kózdelgen», - dep atap ótedi Úkimet basshysynyń birinshi orynbasary jaýabynda.

Onyń atap ótýinshe, atalǵan keshendi jospardy iske asyrý shekara keńistigindegi qazirgi zamanǵy qaterler men syn-qaterlerge tótep berýge qabiletti ulttyq múddelerdi qorǵaý júıesin jańa deńgeıge shyǵarýǵa, sondaı-aq shekara vedomstvosynyń áskerı qyzmetshilerine qyzmeti men turmysyna tıisti jaǵdaılar jasaýǵa, medıtsınalyq qamtamasyz etýge jáne áleýmettik qorǵaýdy usynýǵa múmkindik beredi.

«Qazirgi ýaqytta jospardyń jobasy múddeli memlekettik organdarda kelisilýde», -dedi Roman Sklıar.