Shekara beldeýine kirýge ruqsatty qalaı alýǵa bolady

NUR-SULTAN. QazAqparat - QR Ulttyq qaýipsizdik komıtetiniń Shekara qyzmeti Qazaqstan azamattary men shekara mańynda ornalasqan aýyl turǵyndarynyń shekaralyq beldeýge kirýge jáne onda bolýǵa ruqsattama berý tártibin túsindirdi, dep habarlaıdy QazAqparat vedomstvonyń baspasóz qyzmetine silteme jasap.

Shekara qyzmetine Qazaqstan Respýblıkasy azamattarynyń jáne shekara mańynda ornalasqan aýyl turǵyndarynyń shekaralyq beldeýge kirýge jáne onda bolýǵa ruqsattama alý máselesi týraly suraqtar kelip túsken.

QR Ulttyq qaýipsizdik komıtetiniń Shekara qyzmeti Shekaralyq beldeýge kirýge jáne onda bolýǵa ruqsattamalar berý qaǵıdalaryna Qazaqstan Respýblıkasy Úkimetiniń 2019 jylǵy 11 aqpandaǵy №51 qaýlysymen ózgertýler engizilgen.

«Atalǵan jańa ózgeristerge sáıkes qazirgi ýaqytta shekaralyq beldeýge kirýge jáne onda bolýǵa ruqsattamalar berý memlekettik qyzmeti elektrondyq formatta júzege asyrylady. Osyǵan baılanysty atalǵan ruqsattamalardy alý úshin qaýlynyń qosymshalarynda kórsetilgen qujat úlgileri boıynsha «elektrondyq úkimet» veb-portaly arqyly (Halyqqa qyzmet kórsetý ortalyqtary nemese EGOV portaly) ótinish berý qajet», delingen habarlamada.

Baspasóz qyzmetiniń habarlaýynsha, qosymsha aqparatty jáne qujat úlgilerin qaýlydan kórýge bolady.