Shekara aımaǵyndaǵy jer kásipkerlerge berilmeıdi - AShM

ASTANA. QazAqparat - Shekara aımaǵyndaǵy jer kásipkerlerge berilmeıdi. Bul týraly búgin Ortalyq kommýnıkatsııalar qyzmetindegi jer qatynastaryn retteý máseleleri boıynsha zańnamaǵa engizilgen ózgertýler týraly baspasóz máslıhatynda QR AShM Jer resýrstaryn basqarý komıteti tóraǵasynyń orynbasary Gúljaxan Bımendına málim etti, dep habarlaıdy «QazAqparat» HAA tilshisi.

«Shekara beldeýlerinde eshqandaı jer ýchaskeleri berilmeıdi (...) Atalǵan aýmaqtaǵy jerler sonda ómir súretin halyq qajettiligine ǵana beriledi. Bizde shekara beldeýinde ornalasqan 2-3 aýyl bar. Sol aýyldyń turǵyndaryna jerdi aýyl sharýashylyq maqsatynda jalǵa alýǵa ruqsat berilgen. Al shekara beldeýlerindegi jerdi kásipkerlikti damytý maqsatynda jalǵa berýge múldem tyıym salynady», - dedi G. Bımendına.

Buǵan deıin Memlekettik shekara beldeýinde jáne shekara aımaǵynda ornalasqan jer telimderin sheteldikterge, sheteldiktermen nekege otyrǵan azamattarǵa, sheteldik zańdy tulǵalarǵa jáne sheteldikterdiń qatysýy bar zańdy tulǵalarǵa jalǵa berýge tyıym salynǵany habarlanǵan edi. Sonymen birge, zań jobasynda qazaqstandyqtarǵa aýyl sharýashylyǵy jerlerin konkýrstyq negizde jalǵa berý jáne beriletin jer aýmaǵynyń eń joǵarǵy mólsherin belgileý qarastyrylǵan.