Іshek ınfektsııalary, psıhıkanyń buzylýy, obyr – Nasybaıdyń densaýlyqqa zııany qandaı

<p>ASTANA. KAZINFORM &ndash; Elordalyq psıhıkalyq densaýlyq ortalyǵynyń psıhıatr-narkolog dárigeri Anar Tastambekova nasybaıdyń adam aǵzasyna qandaı zııany bar ekenin túsindirdi.</p>

Onyń aıtýynsha, Qazaqstanda shamamen 29% adam ómirinde bir ret bolsa da nasybaı qoldanyp kórgen. 

«Nasybaı quramynda temeki tozańy, silti, ósimdik kúli, ósimdik maıy, taýyq nemese túıe kóńi, marıhýana jáne basqa ıngredıentter bar. Nasybaı quramynyń negizgi ıngredıenti temeki bolǵandyqtan, zat aǵzaǵa joıqyn áser etedi. Eger shylymnan ókpe qatty zardap shegetin bolsa, nasybaıdy qoldanǵanda negizgi soqqy asqazan-ishek joldary men aýyz qýysynyń shyryshty qabyǵyna túsedi. Qospanyń bir dozasynda birneshe temeki dozasy bolǵandyqtan, nasybaı adam aǵzasyna anaǵurlym zııandy», — dedi A, Tastambekova Astana Kommýnıkatsııalar qyzmetinde ótken baspasóz máslıhatynda. 

Mamannyń aıtýynsha, nasybaı qospasynyń quramynda túıe kóńi nemese taýyq kóńi jıi kezdesetindikten, nasybaı tutynatyndar kóbinese ishek ınfektsııalaryn nemese parazıtterdi juqtyrady. 

«Kóbinese mundaı jaǵdaılarda vırýstyq gepatıtter de damıdy. Nasybaıdy uzaq ýaqyt qoldanǵanda tildiń, erinniń, kómeıdiń qaterli isigi, tistiń buzylýy, psıhıkanyń buzylýy, aǵzalardyń ishki aýrýlary jáne bedeýlik sııaqty aýyr zardaptar bolýy múmkin», — dedi dáriger. 

Aıta keteıik, elordada tynys alý organdary aýrýlarynyń jıiligi jalpy syrqattanýshylyq qurylymynda kósh bastap tur. Ótken jyly tynys alý organdary aýyratyn 450 myń adam tirkelgen.