Shegirtkege qarsy qorǵanys sharalary aıaqtaldy

<p>ASTANA. KAZINFORM - Barlyq óńirde shegirtkege qarsy óńdeý aıaqtaldy. Jumys qorytyndysy Premer-Mınıstrdiń orynbasary Serik Jumanǵarınniń tóraǵalyǵymen ótken Úkimettegi ortalyq shtab otyrysynda shyǵaryldy.</p>

Óńdelgen alqaptardyń jalpy kólemi 3,1 mln gektardy qurady, bul bıyl boljanǵan 2,5 mln gektar kórsetkishten 23%-ǵa joǵary.

Boljamdy kólemniń is júzinde asyp ketýi jańa taralý oshaǵy anyqtalǵan jerlerdi qaıta óńdeýge baılanysty qalyptasty.

Infografıka: Úkimet

Turaqty monıtorıng, drondarmen qosa tehnıkany zııankesterdiń belsendi taralý oryndaryna jedel kóshirý, ortalyq úkimettik jáne óńirlik deńgeılerdegi jaǵdaıdy qolmen basqarý jáne baqylaý, shekara mańy memleketteriniń agrarlyq vedomstvolarymen tyǵyz ózara is-qımyl óz nátıjesin berdi – bıyl fermerlerdiń egistikteri shegirtkeden zardap shekken joq.

Negizgi qorǵanys is-sharalarynyń aıaqtalýyna qaramastan, taǵy bir apta boıy jekelegen óńirlerde shegirtkeniń paıda bolýyn baqylaý boıynsha jumys júrgiziletin bolady.

Úkimet shegirtkege qarsy belsendi jumys kezeńin aıaqtap, kelesi jylǵa daıyndyqty bastaıdy. Bıylǵy josparda – shegirtkeniń taralý kólemi boıynsha boljam jasaý jáne óńirlerde fıtosanıtarııalyq ınspektsııalar paıdalanatyn dernásilderdiń paıda bolý oryndaryn monıtorıngteý úshin 100 dron satyp alý qarastyrylǵan. 2025 jyly alqaptardy óńdeý úshin drondar satyp alý josparlanýda.

Sondaı-aq kelesi jyly pestıtsıdterge, olardy tasymaldaýǵa, saqtaýǵa jáne qoldanýǵa arnalǵan shyǵyndardy qamtıtyn shegirtkege qarsy biryńǵaı qyzmetti ortalyqtandyrylǵan satyp alýǵa kóshý kózdelip otyr. Bul jerdi óńdeýdiń sapasy men tıimdiligin baqylaýǵa, oryndaýshylardyń jaýapkershiligin arttyrýǵa jáne bıznestiń satyp alýǵa qatysýyn tartymdy etýge múmkindik beredi.