Shegirtkeden shyǵyn boldy degen derek joq — Aıdarbek Saparov

<p>ASTANA. KAZINFORM &mdash; Shegirtkege qarsy preparat jetkilikti. Bul týraly Aýyl sharýashylyǵy mınıstri Aıdarbek Saparov málim etti.</p>

«Shegirtkege qarsy kúres jumystaryna qarajat pen preparattar jetkilikti. Vıtse-premer Serik Jumanǵarınmen birge óńirlerdi aralap júrmiz. Jalpy, bir aýylǵa shegirtke kirip ketti, úlken shyǵyn keltirdi degen derek bolmady. Bekitilgen jospar boıynsha naqty jumys jalǵasyp jatyr», — dedi A. Saparov Parlament Májilisindegi baspasóz máslıhatynda. 

Onyń aıtýynsha, kórshi eldermen shekarada shegirtkeniń taralýyna tosqaýyl qoıý máselesine erekshe nazar aýdarylyp otyr.

«Qazir shegirtkeden kelgen shyǵyn joq. Eger shegirtke taralyp ketse, shyǵyndy anyqtaý ádistemisin daıarlap, shyǵyn somasyn esepteımiz», — dedi mınıstr.

Budan buryn habarlanǵandaı, Qazaqstan men Reseı shekarasy mańynda shegirtkege qarsy kúres jumystary júrip jatyr. 

Ózbekstannyń birneshe óńirinde, onyń ishinde Qazaqstanmen shekaralas aımaqtarda qaptaǵan shegirtkege qarsy hımııalyq óńdeý jumysy úzdiksiz atqarylyp jatyr.