Shegirtke jaılaǵan Ózbekstan óńirlerinde hımııalyq óńdeý júrgizilip jatyr

<p>TAShKENT. KAZINFORM &ndash; Ózbekstannyń birneshe óńirinde, onyń ishinde Qazaqstanmen shekaralas aımaqtarda qaptaǵan shegirtkege qarsy hımııalyq óńdeý jumysy úzdiksiz júrgizilip jatyr, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstannyń Ósimdikter karantıni jáne qorǵaý agenttiginen málim etkendeı, búginde Qaraqalpaqstanda jáne Navoı, Buhara, Samarqand oblystarynda zııankesterge qarsy hımııalyq óńdeý jumystary kúsheıtildi.

«Bul jándik kún saıyn 50-60 shaqyrymǵa usha alady jáne negizinen sekseýil japyraǵymen qorektenedi. Egis alqaptaryna zııanyn tıgizbeýi úshin hımııalyq óńdeýge bar kúshti jumyldyrǵan jón. Onyń ishinde shekaralas óńirlerde jándiktiń taralý qaýipin azaıtý maqsatynda arnaıy sharalar qolǵa alyndy», - dedi Ósimdikter karantıni jáne qorǵaý ǵylymı-zertteý ınstıtýty zerthanasynyń meńgerýshisi Nodırbek Týflıev.

Agenttikten naqtylaǵandaı, shegirtkeniń bul túri sekseýilmen qorektenetindikten, ol aýyl sharýashylyǵy daqyldary men jaıylymdyq jerlerge qaýip tóndirmeıdi.

Eske salaıyq, buǵan deıin kórshi elderden shegirtke kelmes úshin Qazaqstan baqylaýdy kúsheıtkenin jazyp edik.