Shaıbaly hokkeıden ÁCh: Quramalar tizimine ózgerister engizildi

NUR-SULTAN. QazAqparat - Shaıbaly hokkeıden 2022 jylǵy álem chempıonatyna qatysatyn quramalar tizimine ózgerister engizildi, dep habarlaıdy QazAqparat tilshisi.

Bul jóninde Halyqaralyq hokkeı federatsııasy (IIHF) málim etti.

Aıta ketsek, budan buryn Ýkraınadaǵy jaǵdaıǵa baılanysty Reseı men Belarýs quramalary atalǵan jarystan shettetilgen edi.

Álem chempıonatynda Qazaqstan hokkeıshileri synǵa túsetin A tobyna Kanada, Germanııa, Shveıtsarııa, Slovakııa, Danııa jáne Italııa quramalary qataryna Frantsııa qosyldy.

Al V tobyndaǵy Belarýs quramasyn Avstrııa almastyrdy. Sondaı-aq, bul topta Fınlıandııa, AQSh, Chehııa, Shvetsııa, Latvııa, Norvegııa, Ulybrıtanııa bar.

Álem chempıonaty 13 jáne 29 mamyr aralaǵynda Fınlıandııanyń Helsınkı jáne Tampere qalalarynda ótkiziledi.

Eske salsaq, byltyr Qazaqstan quramasy V tobynda besinshi orynǵa turaqtady.