Shaıbaly hokkeıden Qazaqstan quramasy Ulybrıtanııamen joldastyq kezdesýde jeńiske jetti
Kezdesý barysynda qazaqstandyq hokkeıshiler qarsylasynan 5:2 esebimen basym tústi. Shabýylshy Nıkıta Mıhaılıs het-trıktiń avtory atandy.
Ulybrıtanııa - Qazaqstan 2:5 (1:0; 0:2; 1:3)
1:0 - Kırk (Holbert) - 05:40
1:1 - Mıhaılıs (Savıtskıı, Grents) - 28:16
1:2 - Mıhaılıs (Orehov, Savıtskıı) - 31:54
1:3 - Shestakov (Starchenko) - 42:35 GB
2:3 - Rýopp (Kırk) - 45:23
2:4 - Starchenko (Mıhaılıs) - 47:59
2:5 - Mıhaılıs (Starchenko) - 59:27 PV
Qaqpashylar: Ýıstl (Boýnz 29:36 -60:00) - Shýtov
El quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn.
Oqý-jattyǵý jıynyna sheteldik jáne otandyq klýbtarda oıyn kórsetetin hokkeıshiler shaqyrý alǵan.
Qazaqstandyq hokkeıshiler 2021 jyldan beri elıtalyq dıvızıonda oıyn kórsetip keledi.
Qazaqstan quramasy V tobynda Frantsııa, Slovakııa, Latvııa, Shvetsııa, Germanııa, AQSh jáne Polshamen synǵa túsedi.
Alǵashqy oıynyn Qazaqstan quramasy 11 mamyrda Frantsııa quramasyna qarsy ótkizedi.
Eske salsaq, ulttyq qurama elordada ótken Qazaqstan Hockey Open týrnırinde Reseıge 0:1, Belarýske overtaımda 4:5 esebimen jeńildi.