Shaıbaly hokkeıden Qazaqstan quramasy álem chempıonatyna daıyndyǵyn bastaıdy

<p>ASTANA. KAZINFORM - Búgin, 10 sáýirde shaıbaly hokkeıden Qazaqstan ulttyq quramasy elordada elıtalyq dıvızıondaǵy álem chempıonatyna oqý-jattyǵý jıynyn bastaıdy.</p>

Oqý-jattyǵý jıyny «Barys Arenada» bastalady.

Oǵan sheteldik jáne otandyq klýbtarda oıyn kórsetetin hokkeıshiler shaqyrý alǵan.

«Oqý-jattyǵý jıynyna oıyn tájirıbesi joǵary hokkeıshilerdiń barlyǵyn shaqyrýǵa múmkindik týdy. Alǵashqy daıyndyqqa óz klýbtarynda maýsymdy aıaqtaǵan oıynshylar keledi. Qalǵany Gagarın kýbogy jáne Qazaqstan chempıonaty pleı-off satysyndaǵy jarysyn aıaqtaǵannan keıin qatarǵa qosylady», - dedi bas bapker Ǵalym Mámbetálıev.

Aıta ketsek, shaıbaly hokkeıden Qazaqstan quramasy mamyr aıynda Astana qalasynda Reseı jáne Belarýs quramalarymen joldastyq kezlesý ótkizedi.

Elordada 2-4 mamyr aralyǵynda Qazaqstan Hockey Open týrnıri jalaýyn kóteredi. Oǵan Qazaqstan, Reseı jáne Belarýs quramalary qatysady.

Álem chempıonaty 10-26 mamyr aralyǵynda Chehııanyń Praga jáne Ostrava qalalarynda ótedi. Toptyq kezeńde ulttyq qurama AQSh, Germanııa, Shvetsııa, Slovakııa, Latvııa, Frantsııa jáne Polshamen synǵa túsedi.