Hokkeıden álem chempıonatynda Qazaqstan jastar quramasynyń qarsylastary qalaı oınady

<p>Shaıbaly hokkeıden 20 jasqa deıingiler arasyndaǵy álem chempıonatynda ekinshi týrda Qazaqstan jastar quramasynyń qarsylastary qalaı oınaǵany belgili boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstan quramasy elıtalyq dıvızıonǵa jalǵyz joldamany 10-16 jeltoqsan aralyǵynda IA dıvızıonynda Frantsııa, Danııa, Japonııa, Vengrııa jáne Aýstrııa quramalarymen sarapqa salyp jatyr.

Ekinshi týrda Frantsııa Japonııany — 5:3, Avstrııa Vengrııany — 3:2 esebimen súrindirdi.

Qazirgi deıin qazaqstandyq hokkeıshiler Vengrııa (5:2) men Danııadan (3:2) basym tústi. 

Eki týrdan keıin alty upaı jınaǵan Frantsııa, Qazaqstan men Avstrııa kósh basynda tursa, Danııa, Vengrııa men Japonııanyń enshisinde ázirge upaı joq.

Endi qazaqstandyq jastar 13 jeltoqsanda Frantsııamen oınaıdy.

Qazaqstandyq hokkeıshiler álem chempıonaty birinshi dıvızıonynda alty márte oınady.

Tórteýinde jeńimpaz atanyp, elıtalyq dıvızıonǵa joldama alǵan edi.

Qazaqstan jastar quramasy elıtalyq dıvızıonda segiz márte baq synady.

Eń joǵary jetistigi — 1999 jyly altynshy oryn.