Shaıbaly hokkeıden álem chempıonaty: Shvetsııa quramasy qola júldeger atandy
Shvetsııalyq hokkeıshiler 3-oryn úshin saıysta Kanadamen sheberlik baıqasty. Tartysty ótken básekede qos qurama jeńiske degen jigerli qımylymen kózge tústi. Nátıjesinde olar eki kezeńde bir-bir shaıbadan soǵyp ketti.
Sheshýshi úshinshi kezeńde shvetsııalyq hokkeıshiler úsh gol soqsa, oǵan muhıttyń arǵy jaǵynan kelgen qurama bir shaıbamen jaýap qaıyrdy. Osylaısha Shvetsııa qarsylasynan 4:2 esebimen basym túsip, qola júldege qol sozdy.
Endi fınalda Chehııa men Shveıtsarııa kezdesedi.
Aıta ketsek, bıyl Qazaqstan quramasy elıtalyq dıvızıondaǵy ornyn besinshi jyl qatarynan saqtap qaldy.
Qazaqstan quramasy toptyq kezeńde Frantsııa men Polshany 3:1 esebimen jeńse, Slovakııaǵa 2:6, Latvııaǵa 0:2, Shvetsııaǵa 1:3, Germanııaǵa 2:8, AQSh-qa 1:10 esebimen ese jibergen bolatyn.
Aıta keteıik, qazaqstandyq hokkeıshiler 1998 jyldan beri álem chempıonaty elıtalyq dıvızıonynda óner kórsetken. Ázirge 2021 jyldaǵy 10-orynǵa taban tireýi eń joǵary jetistigi sanalyp otyr.