Shaıbaly hokkeıden ÁCh: Qazaqstan jasóspirimder quramasy elıtalyq dıvızıonnan túsip qaldy

<p>ASTANA. KAZINFORM - Shaıbaly hokkeıden 18 jasqa deıingi jasóspirimder arasyndaǵy álem chempıonaty elıtalyq dıvızıonyndaǵy ornyn saqtap qala almady. Qazaqstandyq hokkeıshiler jubanysh kezdesýinde Norvegııaǵa býllıtten jol berdi.</p>

Kezdesý barysynda qos qurama tartysty oıyn ótkizdi. Kezdesýdiń negizgi kezeńi 5:5 esebimen teń aıaqtalyp, overtaımǵa ulasty. Overtaımda jeńimpaz anyqtalǵan joq. Býllıtte norvegııalyq hokkeıshilerdiń joly boldy. 

Jıyrma jyldan keıin elıtalyq dıvızıonǵa qaıta oralǵan Qazaqstan hokkeıshileri qaıtadan birinshi dıvızıonǵa túsip qaldy.

Qazaqstandyq hokkeıshiler V tobynda synǵa tústi. Qarsylastary - Kanada, Shvetsııa, Shveıtsarııa jáne Chehııa quramalary. 

Elimizdiń jasóspirim hokkeıshileri toptyq kezeńde Shveıtsarııaǵa 1:5, Shvetsııaǵa 1:7, Kanadaǵa 3:11 esebimen ese jiberdi. 

Al Chehııany overtaımda 4:3 esebimen tize búktirip, óz tarıhynda tuńǵysh márte álem chempıonaty elıtalyq dıvızıondaǵy alǵashqy jeńisin toılady. 

Júldeli oryndardy sarapqa salý úshin shırek fınalda AQSh pen Norvegııa, Fınlıandııa men Shvetsııa, Kanada men Latvııa, Chehııa men Slovakııa sheberdik baıqasady.