Shaıbaly hokkeıden ÁCh: Fınalda Chehııa men Şveıtsarııa kezdesedi

<p>ASTANA. KAZINFORM - Shaıbaly hokkeıden álem chempıonaty elıtalyq dıvızıonynda fınalǵa shyqqan eki qurama anyqtaldy.</p>

Jartylaı fınaldyń alǵashqy jubynda Shvetsııa jáne Chehııa quramalary sheberlik baıqasty. Alǵashqy kezeńde qos qurama teń dárejede oınady. Qalǵan eki kezeńde chehııalyq quramanyń belsendiligi baıqaldy.

Nátıjesinde Chehııa quramasy qarsylasyn 7:3 esebien tize búktirdi.

Taǵy bir oıynda Kanada men Shveıtsarııa kezdesti. Oıynnyń negizgi kezeńi 2:2 esebimen teń aıaqtalyp, býllıtten shveıtsarııalyq qurama basym tústi.

Endi 26 mamyrda ótetin fınalda Chehııa men Shveıtsarııa kezdesse, 3-oryn úshin Shvetsııa men Kanada sheberlik baıqasady.

Aıta ketsek, bıyl Qazaqstan quramasy elıtalyq dıvızıondaǵy ornyn besinshi jyl qatarynan saqtap qaldy.

Qazaqstandyq hokkeıshiler toptyq kezeńde Frantsııa men Polshany 3:1 esebimen jeńse, Slovakııaǵa 2:6, Latvııaǵa 0:2, Shvetsııaǵa 1:3, Germanııaǵa 2:8, AQSh-qa 1:10 esebimen ese jiberdi.

Qazaqstandyq hokkeıshiler 1998 jyldan beri álem chempıonaty elıtalyq dıvızıonynda el namysyn qorǵap qaıtty. Ázirge eń joǵary jetistigi – 2021 jylǵy onynshy oryn.