Shavkat Rahmonovtyń UFC-degi kelesi qarsylasy áıgili Kamarý Ýsman bolady

<p>ASTANA. KAZINFORM - UFC-de álemge tanylǵan qazaqstandyq aralas jekpe-jek sheberi Shavkat Rahmonov kezekti kezdesýin jartylaı orta salmaqta (77 kelige deıin) UFC chempıony tıtýlynyń burynǵy ıegeri nıgerııalyq Kamarý Ýsmanǵa qarsy ótkizedi.</p>

Jekpe-jek Las-Vegasta (AQSh) 8 jeltoqsanda ótetin UFC 310 týrnırinde uıymdastarylady, dep habarlaıdy Sports.kz Championat.com saıtyna silteme jasap.

Bul týraly Red Corner MMA arnasy óziniń áleýmettik jelidegi paraqshasynda jazdy.

UFC 310 týrnırinde Shavkat orta salmaqtaǵy UFC chempıony Belal Mýhammadpen judyryqtasýy kerek bolatyn. Alaıda amerıkalyq-palestınalyq jekpe-jek sheberi densaýlyǵyna baılanysty jarysqa qatysa almaıtyn boldy. Osyǵan baılanysty kóptegen jekpe-jek sheberleri, sony ishinde Kamarý Ýsman da qazaq sportshysymen kúsh synasýǵa daıyn ekenin málimdedi.

Osyǵan deıin Shavkat Rahmonov pen Belal Mýhammad arasyndaǵy jekpe-jek ótpeı qalýy múmkin ekeni týraly jazdyq.