Shavkat Rahmonovtyń kezekti qarsylasy kim

<p>ASTANA. KAZINFORM &ndash; Jartylaı orta salmaqtaǵy UFC chempıony qazaqstandyq Shavkat Rahmonovqa (18&minus;0) qarsylas atanar negizgi úmitkerlerdiń biri anyqtaldy.</p>

Bıyl 30 maýsymda AQSh-tyń Nevada shtatyna qarasty Las-Vegas qalasynda ótetin UFC 303 týrnırine taǵy bir jekpe-jek qosyldy. Atap aıtsaq, jartylaı orta salmaqta aǵylshyn Maıkl Peıdj (22−2) ben ırlandııalyq ıAn Garrı (14−0) judyryqtasady.

Buǵan deıin Rahmonov Peıdj onyń kelesi qarsylasy bolýy múmkin ekenin aıtqan bolatyn.

«Meniń oıymsha kelesi qarsylasym Maddalena bolady. Biraq, úmitkerlerdiń qatarynda Peıdj de bar. Men úshin kimmen judyryqtasatynym mańyzdy emes, bastysy tıtýldyq jekpe-jekke tezirek jetý», - degen edi ol.

Deı turǵanmen, sarapshylar avstralııalyq Djek Della Maddalena Shavkattyń qezekti qarsylasy atanatynyn alǵa tartyp otyr. 

Aıta keteıik, Maddalena bıyl 10 naýryzda Maıamıde (AQSh, Florıda) ótken UFC 299 týrnırinde brazılııalyq Gılbert Bernsti (22-7) jeńgennen keıin Rahmonovty judyryqtasýǵa shaqyrǵan bolatyn.

Esterińizge salsaq, buǵan deıin jeńilip kórmegen qazaqstandyq faıter Shavkat Rahmonov UFC-diń jartylaı orta salmaq sanatynda reıtıngin jaqsartqanyn jazǵan edik.