Shavkat Mırzıeev «Túrkııa Respýblıkasy ordenimen» marapattaldy

<p>ASTANA. KAZINFORM &ndash; Ankaraǵa sapary aıasynda Ózbekstan Respýblıkasynyń Prezıdenti Shavkat Mırzıeev Túrkııa Respýblıkasynyń joǵary memlekettik nagradasymen marapattaldy. Bul týraly Ózbekstan basshysynyń<a href="https://president.uz/ru/lists/view/7298" target="_blank" rel="noopener"> baspasóz qyzmeti</a> habarlady.</p>

Túrkııa prezıdenti Rejep Taııp Erdoǵan Ózbekstan prezıdentine eldiń eń joǵary memlekettik nagradasy, «Túrkııa Respýblıkasy ordenin» saltanatty túrde tabys etti.

«Búgin, elderimiz arasyndaǵy jan-jaqty strategııalyq áriptestikti tereńdetý týraly deklaratsııaǵa qol qoıylǵan kúni Túrkııa Respýblıkasynan osyndaı joǵary marapatqa ıe bolý men úshin úlken mártebe. Bul marapat halyqtarymyz arasyndaǵy kóp ǵasyrlyq dostyqtyń, joǵary deńgeıdegi senimdi baılanys pen ekijaqty kópjaqty qarym-qatynastardyń qarqyndy damýynyń sımvoly», – dedi Shavkat Mırzıeev.

Aıta ketý kerek, Túrkııa Respýblıkasy Prezıdentiniń sheshimi boıynsha bul syılyq Túrkııamen dostyq qarym-qatynasty damytýǵa zor úles qosqan memleket qaıratkerlerine beriledi.