Shavkat Mırzıeev: Nursultan Nazarbaevpen bolǵan ár kezdesý - men úshin ónege
«Ýaqyt pen taǵdyr maǵan álemdik deńgeıdegi saıası qaıratker, Qazaqstan Prezıdenti Nursultan Ábishuly Nazarbaevpen tyǵyz yntymaqtasa otyryp, jumys júrgizýge bolatyndaı biregeı múmkindikterdi syıǵa tartty. Sońǵy jyldary ǵana biz 10 ret kezdestik. Ózbekstan - Qazaqstan qarym-qatynasynda sońǵy bir jarym jyldyń ishinde eki memlekettiń basshylary 10 ret eshqashan kezdespegen. Árbir kezdesý - men úshin orasan zor qýanysh syılaıdy. Túsinesiz be, osynaý Kóshbasshyda san túrli izgi qasıetter bar. Ol táýelsizdik alǵan jyldardyń ishinde óz Otanyna adaldyqty saqtap, el úshin jumys atqara bildi», - dedi Shavkat Mırzıeev «Habar» arnasyndaǵy Erlan Bekhojınniń «Uly dalanyń astanasy» atty derekti fılminde.
Ózbekstan Respýblıkasynyń prezıdentiniń aıtýynsha, Qazaqstanda eń bastysy beıbitshilik pen kelisimge tórden oryn berilgen.
«Reformalar júrip jatyr. Táýelsizdik alǵan jyldardan beri Qazaqstan jetken jetistikterge búkil álem kóz tigip qarap otyr. Maǵan ol kisimen (Qazaqstan Prezıdentimen - avt) jumys júrgizý asa jaıly, sóılesý asa ǵanıbet. Árbir kezdesý - men úshin ónege. Onyń eń biregeı qyrlarynyń biri - Nursultan Ábishuly árdaıym óziniń komandasyna erekshe kóńil bóledi. Bul komanda Prezıdent Nursultan Nazarbaevtyń revolıýtsııalyq ıdeıalarynyń barlyǵyn da iske asyryp keledi», - dedi Shavkat Mırzıeev.
Aıta ketsek, Erlan Bekhojınniń «Uly dalanyń astanasy» atty derekti fılminde postkeńestik elderdiń basshylary Qazaqstan Prezıdenti Nursultan Nazarbaev pen Astana qalasy týraly ózderiniń oı-paıymdarymen bólisken.