Baıqaý kıno men vızýal óner salasyndaǵy shyǵarmashyl mamandardyń basyn qosty. Oǵan Reseı, Belarýs, Qazaqstan, Ózbekstan, Latvııa, Armenııa jáne Izraıl elderi qatysty.
Otandyq týyndy úzdik kostıým (Elena Aıtova), úzdik mýzyka (Vıktor Sologýb), ekinshi plandaǵy úzdik áıel róli (Olga Landına), operatorlyq jumys (Aleksandr Plotnıkov), dybys rejıssýrasy (Rýslan Sakıev), basty áıel róli (Lıdııa ıArysheva), úzdik grım (Tatıana Jambakeeva), prodıýserlik jumys (Alııa Sharıpbaeva) jáne kreatıvti kontseptsııa (Gúlshat Smaǵulova) atalymdary boıynsha marapattaldy.
«Shatyrdaǵy ekeý» – rejısser Gúlshat Smaǵulovanyń tuńǵysh rejısserlik jumysy. Ol 15 jyldan astam kıno óndirisi salasynda jumys istep keledi. Fılm ótken jyly qazaq jáne orys tilderinde prokatqa shyqty. Týyndyda taǵdyry qıyndyqqa toly jas jigit Damır men aýtızm dertine shaldyqqan jasóspirim Kostıanyń arasyndaǵy dostyq baıandalady. Shyǵarmashylyq top kartınada ınklıýzııanyń mańyzyn jáne erekshe balalardyń qoǵamǵa beıimdelý máselesin kótergen.
Kınotýyndy QR Mádenıet jáne aqparat mınıstrliginiń tapsyrysymen jáne Ulttyq kınony qoldaý memlekettik ortalyǵynyń qoldaýymen túsirilgen. Túsirilim Almaty qalasynda jáne Almaty oblysyndaǵy Talǵar aýdanynda ótken.
Osyǵan deıin kınoteatrlarda kórsetiletin fılmderdiń mazmunyna baqylaý kúsheıetini týraly jazdyq.