Sharyn ulttyq parkinde týrızmdi damytýǵa 4,5 mlrd teńge ınvestıtsııa tartyldy

NUR-SULTAN. QazAqparat – Sharyn memlekettik ulttyq tabıǵı parki aýmaǵynda týrızmdi damytý maqsatynda 4,5 mlrd teńge ınvestıtsııa tartyldy. Bul týraly QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti erekshe qorǵalatyn tabıǵı aýmaqtar basqarmasynyń basshysy Erqulan Dúısekeev málim etti, dep habarlaıdy QazAqparat tilshisi.

«QazaqGeography» respýblıkalyq qoǵamdyq birlestigine qarasty «Taýnton Plıýs» konsortsıýmine Sharyn ulttyq parki aýmaǵynan jer ýchaskesi berildi. Investıtsııanyń kólemi 4,5 mlrd teńgeni quraıdy. Kelisimshartqa sáıkes ınvestor Sapar ortalyǵyn, 2 glempıng, eko qonaqúıler, qyzmetkerlerge arnalǵan jataqhana, karavanıng, qazaq aýylyn, balalarǵa arnalǵan alańdar salý josparlanyp otyr. Odan bólek, meıramhana, kóshpeli tamaqtaný oryndary, kempıng jáne Sharyn ózeni boıynan ótetin kópirler salý da josparda bar», - dedi Erqulan Dúısekeev elordada ótken «Ulttyq parkter: ekologııalyq týrızmniń jańa modeli» atty dóńgelek ústel otyrysynda.

Sondaı-aq mınıstrlik ókili atalǵan ulttyq park aýmaǵynda sholý alańy men sýburqaqtar bolatynyn aıtyp otyr.

«Kelýshilerge arnalǵan aqparattyq tablo, qoqys konteınerleri men demalys oryndyqtaryn qoıý qarastyrylyp otyr. Sonymen qatar uıaly baılanys antennasy men meteostansa ornatylady. Búginde ınvestor elektr qýaty jelisin tartý boıynsha joba ázirlep jatyr. ıAǵnı Kegen aýdanyna qarasty Uzynbulaq aýylynan Sharyn shatqalyna deıin 40 shaqyrym jerge jaryq tartylady. Sol sııaqty Sarybulaq aýylynan shatqalǵa deıin 15 shaqyrym jerge elektr jelisi jetkiziledi», - deıdi ol.

Aıta ketsek, búgin elordada «Qazaqstan Live Fest – 2022» atty halyqaralyq kórme ashyldy.

Úsh kúnge sozylatyn sharany astana turǵyndary men qonaqtary tegin tamashalaı alady.

Týrızm, sport jáne belsendi ómir salty taqyrybyna arnalǵan shara EKSPO aýmaǵyndaǵy halyqaralyq kórme ortalyǵynda ótip jatyr.